Nossa Casa

Gastehuis

Gratis kansellasie tot 1 week voor jou verblyf!
Kapasiteit: 8 persone
Inkloktyd: 15:00 tot 18:00
Uitkloktyd: 10:00
Adres: Kiaatweg 46, Kingsview, Witrivier, 1240, Mpumalanga
Alle ouderdomme is welkom
Vanaf R550 per nag, vir 2 mense

Beskrywing

Nossa Casa is in Witrivier en bied gehalteverblyf vir 'n klein gesin of 'n groep vriende. Dit is binne maklike bereik van talle winkels, restaurante, geriewe en belangrike toegangsweë.

Die verblyf beskik oor The Garden Cottage en die Pool Room wat op 'n residensiële eiendom geleë is, asook 'n dames gimnasium. Die swembad kan slegs gebruik word as dit nie deur die gimnasium gebruik word nie.

Die Garden Cottage het 1 slaapkamer en bied slaapplek aan 4 gaste. Die slaapkamer het 'n dubbelbed en 'n en suite-badkamer met 'n stort, toilet en 'n wasbak. Daar is 'n dubbelslaapbank in die leefarea wat geskik is vir 2 klein kinders.

Die kombuis is met 'n stoof, oond, yskas-vrieskas, mikrogolf, tee- en koffiemaakgeriewe, breekware en eetgerei toegerus. Die sitarea het gemaklike rusbanke en 'n TV met DStv. Daar is ook WiFi.

Die Pool Room het 1 slaapkamer en bied slaapplek aan 4 gaste. Die slaapkamer het 'n koningingrootte-bed, 'n instapskas wat lei na 'n en suite-badkamer met 'n stort, bad, toilet en 'n wasbak. Daar is 'n oopplan-leefarea met 'n kombuisie wat met 'n mikrogolfoond, tweeplaatstoof en yskas toegerus is. Die sitkamer het 'n TV met DStv en 'n dubbelslaapbank wat vir 2 klein volwassenes of vir kinders geskik is, en lei na die swembad.

Gaste het toegang tot lieflike braaigeriewe en veilige onderdak parkeerplek is op die perseel agter 'n afstandbeheerde hek beskikbaar.

Witrivier is 'n klein dorpie wat in die heuwels net noord van Mbombela (Nelspruit) skuil. Dit is naby die grens van die Krugerwildtuin en die Panorama-roete en omring deur skilderagtige landerye en woude en ideaal vir natuurliefhebbers.

Kry ’n Kwotasie