N'taba River Lodge & Spa

Lodge

Kapasiteit: 40 persone
Inkloktyd: 14:00 tot 20:00
Uitkloktyd: 10:00
Adres: Hoofstraat 634, Undercliff, Port St. Johns, 5120, Oos-Kaap
Geen kinders onder 12
Vanaf R1 700 per nag, vir 2 mense

Beskrywing

N'taba River Lodge & Spa is ’n gesinsoord wat in 'n asemrowende, tropiese tuin aan die oewer van die Umzimvuburivier geleë is. Hierdie gesinsoord bied 'n keurige vermenging van Wildekus-gasvryheid en ongelooflike gerieflike slaapkamers. Vakansiegangers wat op soek is na ’n plek om met die natuur in aanraking te kom, kan dit hier vind!

N'taba River Lodge & Spa is ’n bekoorlike en luukse instelling met ’n ontspanne en gemaklike atmosfeer. Ons bied ruim een- of tweeslaapkamerkothuise, elk met sy eie en suite-badkamer met ’n stort. Al die slaapkamers is heeltemal privaat en bied die beste in gemak en styl.

Elke slaapkamer is elegant toegerus met ingevoerde Indonesiese kiaatmeubels van die hoogste gehalte, terwyl die badkamers afgerond is met granietoppervlaktes en ’n raamlose instapstort. Die slaapkamers kan elk ’n maksimum van 2 gaste akkommodeer en beskik oor ’n koninggrootte-bed, ’n leefarea in die slaapkamer, ’n aparte en suite-instapstort en ’n wasbak. Al die slaapkamers het kamergeriewe wat ingesluit is in die tarief. ’n Kroegdiens is teen ’n addisionele fooi beskikbaar. Slaapkamers met betonplafonne het onafhanklik-beheerde lugversorging terwyl slaapkamers met rietdakke plafonwaaiers het.

Geriewe in die slaapkamer sluit in: 'n kluis, tee- en koffiemaakgeriewe, yskassie (wat met drankies gevul kan word op versoek), haardroër, en suite-badkamers, plasma-TV (10 DStv-kanale), gaste-geriewe (toegedraaide seep, sjampoe, stortkappies, badskuim en lyfroom).

Ons het ook ’n wittebroodkothuis waar ons personeel graag ’n kerslig-aandete op julle privaat patio wat oor die rivier uitkyk bedien. Ons Madiba Besigheid-suites is ook beskikbaar vir die oordeelkundige sakereisiger.

N'taba River Lodge & Spa is ’n natuurliefhebber se droom. Gee jou oor aan luilekker dae met die rivier wat verby kabbel, geniet kanovaart, dae op die strand, voetslaan- en wandelroetes, ry perd op die strand, besoek plaaslike gemeenskappe en probeer ’n Pondo-middagete. Met die diversiteit van ons stoere landskap, die loutere skoonheid van die omgewing en die welige plantegroei wat ons omring, sal voëlkyk-entoesiaste regdeur hul besoek geboeide voëlkykers wees, om nie eers van asemrowende foto’s en onvergeetlike herinneringe te praat wat jy saamneem huis toe nie!

Kry ’n Kwotasie