Nullarbor Cottages

Selfsorg

Kapasiteit: 20 persone
Inkloktyd: 14:00 tot 21:00
Uitkloktyd: 11:00
Adres: Erf 24, Vaalbankplaas, Magaliesburg, 1791, Gauteng
Geen kinders onder 18
Vanaf R800 per nag, vir 2 mense

Beskrywing

Nullarbor Cottages is op 'n privaat plaas, slegs 4 km van die dorp Magaliesburg af. Dit is die ideale plek vir 'n romantiese wegbreek.

Selfsorgverblyf word aangebied in 10 pragtige, luukse hout- of baksteenkothuise met manjifieke uitsigte, goed versorgde tuine en 3 swembaddens. Die kothuise is ontwerp vir 2 volwassenes wat deel en om 'n rustige en romantiese atmosfeer te verseker word kinders nie toegelaat nie.

Elke kothuis het of 'n koningingrootte-bed of 'n koninggrootte-bed, sy eie badkamer, 'n groot platskerm-TV en 'n volledig toegeruste kombuis met 'n mikrogolfoond, yskas-vrieskas en al die nodige toebehore vir selfsorg-doeleindes. Gaste kan hul eie DStv-dekodeerders en -slimkaarte saambring en moet hul eie Netflix-besonderhede gebruik. Al die kothuise het oop kaggels en elektriese komberse vir die winter en waaiers word in die somer voorsien. Daar is nie lugversorging nie.

Buite is daar 'n grasdak-lapa langs elke eenheid, 'n patio, privaat braaigeriewe en onderdakparkeerplek.

Troeteldiere word in die volgende kothuise toegelaat indien dit vooraf gereël word en teen ’n ekstra nominale fooi: 4 Hornbill Lodge, 7 Pula, 8 Mali, 9 Venus en 10 So HobGoblin. Dié reël is streng en troeteldiere sal nie in kothuise wat nie omhein is nie toegelaat word nie. Nullarbor Cottages het ’n streng troeteldierbeleid wat gevolg moet word.

Nullarbor Cottages is na aan die Wieg van die Mensdom en Nullarbor is die ideale basis vanwaar jy die omgewing kan verken. Daar is ook 'n klein riviertjie op die grens wat sorg vir ontspanne wandelinge en volop voëllewe. Ontsnap die besige stad en kom Magaliesburg toe. Dit is ook net 80 km vanaf Pretoria, Soweto en Johannesburg.

Kry ’n Kwotasie