Oak Manor

Selfsorg

Kapasiteit: 16 persone
Inkloktyd: 14:00 tot 17:00
Uitkloktyd: 10:00
Adres: Mariendahl-laan 1, Newlands, Kaapstad, 7700, Wes-Kaap
Alle ouderdomme is welkom
Vanaf R880 per nag (plek vir 2)

Beskrywing

Oak Manor bied selfsorgverblyf in die boomryke buurt, Nuweland, aan die voet van Tafelberg oorkant die ikoniese Nuweland Krieketstadion wat die tuiste van die Kaapse Kobras is. Dis in die Suidelike Voorstede van Kaapstad. Oak Manor is 11 km vanaf die KIKS, 13 km vanaf die V&A Waterfront, 15 km vanaf Tafelberg en 12 km vanaf Robbeneiland se veerboot.

Verblyf word in opgeknapte, kontemporêre selfsorg-ateljeewoonstelle gebied. Daar is gesinskamers, kindervriendelike en troeteldiervriendelike kamers indien dit vooraf gereël word en teen ekstra koste. Elke kamer het 'n mikrogolfoond, yskas, ketel, haardroër, lessenaar, platskerm-TV met Netflix, 'n privaat badkamer met 'n stort en baie kasspasie.

'n Kontinentale ontbyt en middagetepakkies kan teen 'n ekstra koste gereël word. Braaigeriewe is op versoek beskikbaar en 'n wasgoeddiens kan gereël word.

Oak Manor het 'n tuin, sonterras, swembad, gratis WiFi en veilige parkeerplek.

Die eiendom word deur 'n elektriese heining omring en daar is 'n alarmstelsel en paniekknoppies. Oak Manor se personeel is opgelei en gereed om gaste by te staan.

Kry ’n Kwotasie