Ocean Mist

Selfsorg

Soos Gesien op Facebook
Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Milkwood Glen, Keurboomstrand, Plettenbergbaai, 6600, Wes-Kaap
Alle ouderdomme is welkom
Vanaf R5 500 per nag (plek vir 8)

Beskrywing

Ocean Mist is 'n pragtige strandhuis op 'n privaat landgoed langs die kus in Keurboomstrand naby Plettenbergbaai. Dis ideaal vir gesinne, wittebroodpaartjies of enigiemand wat smag na ruimte, vrede, natuur, luilekker dae en lekker lang stappies.

Daar is 4 slaapkamers, 'n oopplan-leefarea en 'n TV-kamer wat alles na buite oopmaak. Buite is daar 'n etenstafel onder 'n rietbedekking en 'n swembad met 'n swembad-net. Gaste het ook toegang tot WiFi.

Twee slaapkamers het 'n koninggrootte-bed en die ander 2 slaapkamers het 2 enkelbeddens elk. Die eerste 3 slaapkamers het en suite-badkamers en twee van die en suites het 'n toilet, bad en stort. Die laaste en suite het 'n toilet en 'n stort.

Ocean Mist spog met pragtige grasperke wat na Keurboom se ongerepte strand lei en mis wat van die see af instoot. Geniet die uitsig oor die oseaan tydens dagbreek, luister na die brekende branders en gaan verken die skilderagtige Keurboomstrand te voet. Sekere maande in die jaar kan jy selfs snags die walvisse hoor blaas. Daarbenewens is Ocean Mist ideaal geleë om die Tuinroete te verken.

Keurboomstrand is nog ongerep en daar is min ander plekke in Suidelike Afrika waar jy so lekker ver op 'n mistige strand kan gaan stap en sulke privaatheid kan ervaar. Dít is wat jy te wagte kan wees by Ocean Mist.

Kry ’n Kwotasie