Only Sometymz

Selfsorg

Langtermynverblyf-aanbod 10% af

Kry 10% af vir verblyf wat 7 nagte of langer is. Hierdie aanbod is altyd geldig.

Kapasiteit: 6 persone
Inkloktyd: 15:00 tot 17:00
Uitkloktyd: 10:00
Adres: F Duckitt-straat 61, Yzerfontein, 7351, Wes-Kaap
Alle ouderdomme is welkom
Vanaf ~~R1 440~~ R1 296 per nag, vir 6 mense

Beskrywing

Only Sometymz bied selfsorgverblyf en is in die kusdorpie Yzerfontein. Die vakansiehuis is 500 m vanaf 'n afgeleë strand naby die hawe, asook die hoofstrand in Yzerfontein.

Dié troeteldiervriendelike dubbelverdieping huis is in 'n moderne minimalistiese styl versier en beskik oor 3 slaapkamers, 3 badkamers, 'n gastetoilet en 'n oopplan-kombuis en -leefarea.

Die slaapkamers is op die onderste verdieping. Die hoofslaapkamer het 'n koningingrootte-bed en die tweede slaapkamer het 'n dubbelbed. Hierdie 2 slaapkamers het elk 'n en suite-badkamer met 'n stort. Die derde slaapkamer het 'n dubbelbed. Die derde slaapkamer bied toegang die derde badkamer wat 'n stort en 'n bad het.

Die area op die onderste verdieping lei na 'n groot omheinde tuin, wat ideaal is vir kinders of troeteldiere om in te speel. Die buite-area het 'n stoep en 'n ekstra braaigerief.

Die oopplan-kombuis en -leefarea is op die boonste verdieping. Die kombuis is met 'n tweeplaatstoof met 'n oondjie, elektriese braaipan, mikrogolf, yskas-vrieskas, skottelgoedwasser, ketel, broodrooster, cappuccino-masjien, toebroodjiemaker en eierkoker toegerus. Komplimentêre koffie, tee, suiker, opwasmiddel, tablette vir die skottelgoedwasser en swartsakke word voorsien.

Die aangrensende sitkamer spog met 'n binnebraai, 'n TV met Netflix, Prime en YouTube, 'n pooltafel, speletjies en boeke. Die leefarea lei na 'n balkon met 'n etenstafel, stoele en leunstoele om die pragtige uitsigte te geniet.

Boonop bied die vakansiehuis gratis onbeperkte WiFi, asook parkeerplek op die perseel.

Kry ’n Kwotasie