OppiePlaas Country Estate

Lodge

Kapasiteit: 8 persone
Inkloktyd: 14:00 tot 17:00
Uitkloktyd: 10:00
Adres: Mtwentwe Plaas, Haga Haga, 5272, Oos-Kaap
Alle ouderdomme is welkom
Vanaf R1 250 per nag, vir 2 mense

Beskrywing

OppiePlaas Country Estate is op 'n werkende bees- en skaapplaas langs die gewilde Oos-Kaapse Wildekus, net 2 km vanaf die gewilde Haga Haga-vakansiedorp en 65 km vanaf Oos-Londen.

Verblyf word gebied in 2 selfsorg-eenhede en 2 B&B-kamers.

OppiePlaas Country Cottage is 'n selfsorg-, losstaande tuinkothuis met uitsigte oor die plaasdam en beskik oor 2 slaapkamers, 'n badkamer, 'n sitkamer en eetarea en 'n kombuis. Die hoofslaapkamer het 'n dubbelbed en 'n lessenaar, en die tweede, kleiner slaapkamer het 'n stapelbed vir kinders onder 12. Die badkamer het 'n toilet, wasbak en stort. Dié kombuis is goed toegerus en daar is privaat braaigeriewe.

Hadeda Selfsorg-studio is 'n moderne oopplan-woonstel met slaapplek vir 3 gaste en beskik oor 'n slaapkamer, badkamer, sitarea, kombuis en 'n eetarea, asook 'n privaat stoep met uitsigte oor die wildplaas en die see. Die slaapkamer het 'n koningingrootte-bed en die leefarea het 'n slaapbank vir 'n derde gas. Dié eenheid het 'n goed toegeruste kombuis en bied toegang tot 'n privaat stoep met braaigeriewe.

Die B&B-kamers het 'n koningingrootte-bed en 'n en suite-badkamer. Die B&B-kamers is in die plaashuis en het 'n privaat ingang, stoep en panoramiese uitsigte oor die wildplaas en die see.

Gaste het toegang tot 'n klein swembad, 'n restaurant en 'n gelisensieerde kroeg op die perseel. Gratis WiFi is beskikbaar by die restaurant, asook in Hadeda Studio en OppiePlaas Country Cottage. Die restaurant en stoeparea het rugsteunkrag in die vorm van 'n kragopwekker wat krag aan die ligte, platskerm-TV en klankstelsel verskaf. Die restaurant bied 'n beperkte spyskaart tydens beurtkrag. Die eenhede het noodligte, en klein gas- en sonkragligte word voorsien. DStv is beskikbaar in die kothuis en restaurant. Netflix is beskikbaar in Hadada Studio en die B&B-kamers.

Die plaas het 'n stap- en bergfietsroete met see- en landskapuitsigte. Visvang is in die dam wat naby die plaas beskikbaar. Die plaas is 2 km vanaf die gewilde Haga Haga-strandoord met swemstrande, 'n strandmeer en rots- en strandvisvangplekke. Oos-Londen is 65 km vanaf die plaas en ander gewilde strandoorde, soos Chintsa-Wes, Keimond en Gxarha (Morgansbaai) is net 45 km ver.

Kry ’n Kwotasie