Ou Klipskuur Self-Catering Accommodation

Selfsorg

Gratis kansellasie tot 24 uur voor jou verblyf!
Kapasiteit: 14 persone
Inkloktyd: 14:00 tot 21:00
Uitkloktyd: 10:00
Adres: Plaas Helpmekaar, Fraserburg, 6960, Noord-Kaap
Alle ouderdomme is welkom
Vanaf R400 per nag, vir 2 mense

Beskrywing

Ou Klipskuur Self-Catering Accommodation is sowat 25 km buite Fraserburg in die Noord-Kaap geleë en bied gehalteverblyf met 'n plattelandse styl, asook 'n kampeerterrein. Hier kan gaste rus, ontspan en ware Karoo-gasvryheid ervaar. Dit is ideaal vir oornagverblyf tussen Johannesburg en Kaapstad.

Ou Klipskuur is ook 'n heerlike wegbreekplek vir diegene wat moeg is vir die stad. Die sterrehemel saans en die vars Karoolug sal jou weer aanvuur en vernuwe.

Die Oudeklip- en Oudeskuur-eenheid het elk 'n privaat ingang en funksioneer as aparte eenhede. Elke eenheid het ‘n slaapkamer en 'n TV met DStv. Die Oudeklip-eenheid se slaapkamer het ‘n dubbelbed en ‘n slaapbank, terwyl die Oudeskuur-eenheid se slaapkamer 2 enkelbeddens het, wat in 'n koninggrootte-bed omskep kan word. Elke eenheid het ‘n en suite-badkamer wat elk 'n stort, toilet en wasbak het. Verder het elke slaapkamer 'n elektriese kombers en daar is ook haardroërs en plafonwaaiers.

Die kombuis in die Oudeklip-eenheid is volledig toegerus met alles wat gaste benodig. Die Oudeskuur-eenheid bied 'n kombuishoekie met gerieflike en basiese geriewe om kos warm te maak. Die sitarea het gemaklike sitplek en 'n gesellige leeshoekie. Die Oudeklip-eenheid het 'n lieflike kaggel en die Oudeskuur-eenheid spog met 'n lekker gas-verwarmer. Braaigeriewe is beskikbaar.

Die Ou Klipskuur-Annex-eenheid beskik 'n slaapkamer, badkamer en 'n portaal. Die slaapkamer het 'n dubbelbed, elektriese kombers, haardroër, waaier en 'n gasverwarmer. Die en suite-badkamer het 'n bad, wasbak en toilet. Hierdie eenheid bied gemaklike sitplek en 'n klein leeshoekie. Die Annex-eenheid bied 'n kombuishoekie met opwarmingsfasiliteite.

Gaste het toegang tot gratis WiFi en veilige onderdakparkeerplek word voorsien.

Die kampterrein is onder koeltebome geleë, met 'n groot plaasdam tot gaste se beskikking. Drie staanplekke en 'n ablusieblok met 'n wasbak, toilet en warmwaterstort is beskikbaar, sowel as opwasgeriewe en draagbare braaigeriewe. WiFi is ook beskikbaar vir kampeerders. Parkeerplek onder koeltebome is beskikbaar.

Aktiwiteite op die plaas sluit in ontspanning langs die plaasdam, 4x4-roetes, voëlkyk, stap- en bergfietsroetes en die verkenning van die Fraserburg-omgewing.

Kry ’n Kwotasie