Paardekloof Plaas

Selfsorg

Kapasiteit: 4 persone
Inkloktyd: 14:00 tot 19:00
Uitkloktyd: 11:00
Adres: Paardekloof Plaas, Langs die R341, Barandas, 6460, Wes-Kaap
Alle ouderdomme is welkom
Vanaf R2 500 per nag (plek vir 4)

Beskrywing

Paardekloof Plaas bied selfsorgverblyf op 'n werkende skaapplaas in Barandas, 30 km vanaf Uniondale, 60 km vanaf Willowmore en 54 km vanaf De Rust. Dit is maklik bereikbaar vanaf die R341 tussen Willowmore en Oudtshoorn. Die grondpaaie van sowat 2 km word goed in stand gehou en is toeganklik vir alle voertuie. Die plaas is die ideale toevlugsoord vir gaste wat ontspanning benodig, aangesien daar geen TV is nie.

Hierdie besonderse ou plaashuis is gerestoureer om 'n Karoo-ervaring aan gaste te bied. Die huis word as 'n geheel verhuur. Die hoofslaapkamer het 'n koningingrootte-bed, die tweede slaapkamer het 'n dubbelbed en daar is 2 enkelbeddens in die derde slaapkamer. Die badkamer het 'n stort, wasbak en 'n toilet.

Die kombuis is met 'n stoof, oond, mikrogolfoond, yskas, etenstafel en tee- en koffiemaakgeriewe toegerus. Die sitkamer het genoeg sitplek en 'n klavier. Daar is ook 'n groot stoep met braaigeriewe.

Vuurmaakhout word vir die eerste nag voorsien. Neem asb. kennis dat rook in die eenhede verbode is en troeteldiere word ongelukkig nie toegelaat nie.

Daar is lusern, bale en skape op die plaas, asook verskeie doendinge soos stap en fietsry. Daar is ook baie ruimte vir kinders om te hardloop en speel. Die naaste dorp met 'n vulstasie is 32 km van die plaas af, dus moet gaste daar vul.

Kry ’n Kwotasie