Paardeplaats Nature Retreat

Gastehuis

Kapasiteit: 13 persone
Inkloktyd: 14:00 tot 19:00
Uitkloktyd: 11:00
Adres: Paardeplaats 154JT, Long Tom-pas, Lydenburg, 1120, Mpumalanga
Alle ouderdomme is welkom
Vanaf R1 400 per nag, vir 2 mense

Beskrywing

Paardeplaats Nature Retreat is 'n gerestoureerde kliphuis met slaapplek vir 12 gaste. DIe huis is in die voormalige ruïne van 'n goudmynkamp. Dit is in die natuurskoon genestel en het 'n uitsig oor 'n klein foreldam, die majestueuse vallei en berge.

Verblyf word aangebied in 5 eenhede wat Jafrie, Oribi, Gurneys, Suikerbossie en Kiepersol insluit. Elke kamer het 'n privaat uitsig en 'n unieke karakter met loodglasvensters en dons- of wol-duvets op al die beddens. Sommige eenhede het privaat stoepe. Die verblyf is onafhanklik van die plaaslike kragnetwerk en word nie deur kragonderbrekings geraak nie. Elke badkamer het 'n gas-geiser, sonkragligte en lekker olielampies wat 'n heerlike atmosfeer gee. Drie van die eenhede het elk 'n badkamer met 'n stort en een eenheid se badkamer het 'n bad.

Geriewe op die perseel sluit 'n gemeenskaplike leefarea, kombuis, 'n lieflike vuurherd en veilige parkeerplek in. Gaste kan ook op die perseel voetslaan, bergfietsry, voëlkyk en kunsvlieghengel. Paardeplaats is die tuiste van die bedreigde Rooiborssuikervoël.

Kry ’n Kwotasie