Pensão Guest Lodge

Gastehuis

Kapasiteit: 50 persone
Inkloktyd: 14:00 tot 22:00
Uitkloktyd: 10:00
Adres: Magda-straat 11, Sonheuwel, Nelspruit, 1201, Mpumalanga
Alle ouderdomme is welkom
Vanaf R920 per nag (plek vir 2)

Beskrywing

Pensão Gastehuis is aan die buitewyke van Mbombela (Nelspruit) in die pragtige Mpumalanga geleë. Die gastehuis bied akkommodasie wat uiters professioneel is, tog sal jy hier so tuis voel soos by jou eie huis. Met asemrowende kamers, elkeen uniek met sy eie atmosfeer en styl, sal jou verblyf onvergeetlik wees!

Dié luukse gastehuis bied al die nodige geriewe en gemak. Ons ligging bied maklike toegang tot alle hoofroetes, Mbombela (Nelspruit) Medi-Clinic, winkelsentrums, en die Mbombela (Nelspruit) middedorp is net 2 km weg. Dit is dus ideaal vir beide sakereisigers en vakansiegangers.

Al ons kamers is luuks ingerig met al die nodige geriewe soos lugversorging, TV, yskassies, tee- en koffiemaakgeriewe (word daagliks aangevul) vir die perfekte wegbreek of oornagverblyf. Die stylvolle kamers gee aan ons instansie 'n unieke gevoel waarby ieder en elk sal aanklank vind. Daar is ook selfsorg-eenhede beskikbaar, hulle is ten volle toegerus met al die geriewe wat 'n huishouding mag nodig kry, soos 'n yskas, stoof/oond, 'n sitkamer, en suite-badkamers, lugversorging en TV.

Ons talle ander geriewe sluit 3 swembaddens, 3 braai-areas, restaurant (maaltye moet gereël word met bespreking), veilige parkeerplek met 'n wag, 'n pendeldiens na en vanaf bestemmings in Mbombela (Nelspruit) (kan gereël word) en gratis WiFi.

Geen geraas van enige aard word op die perseel toegelaat nie aangesien die lodge in 'n woonbuurt geleë is. Geen swaar voertuie soos trokke, busse, karavane en waentjies word toegelaat nie.

Kry ’n Kwotasie