Plotsklaps

Selfsorg

Gratis kansellasie tot 1 week voor jou verblyf!
Kapasiteit: 5 persone
Inkloktyd: 14:00 tot 19:00
Uitkloktyd: 10:00
Adres: Suddiesingel 2, Steenberg Estate, Kaapstad, 7945, Wes-Kaap
Alle ouderdomme is welkom
Vanaf R2 550 per nag (plek vir 5)

Beskrywing

Plotsklaps bied selfsorgverblyf op die eienaar se perseel in Tokai, Zwaanswyk. Daar is 'n kragopwekker op die perseel in die geval van beurtkrag. Die eenheid is naby Steenberg Ghoflandgoed en die Tokai-woud. Muizenberg se strand is ook net 'n entjie se ry weg. Die verblyf het 'n omsetter.

Die kothuis het 2 verdiepings en bied slaapplek aan 4 volwassenes en 1 kind. Daar is 2 slaapkamers, 2 badkamers en ’n oopplan-kombuis met 'n aparte eet- en leefarea. Die hoofslaapkamer op die boonste verdieping het ’n koninggrootte-bed en 'n enkelbed vir 'n kind, asook 'n en suite-badkamer met 'n dubbelstort. Die tweede slaapkamer is op die onderste verdieping en het ’n stapelbed en 'n en suite-badkamer met 'n stort-oor-bad.

Die kombuis is volledig toegerus vir selfsorg met ’n stoof, oond, yskas-vrieskas, mikrogolf, eetgerei en breekware. Daar is ook ’n skottelgoedwasser, wasmasjien en tuimeldroër. Die aangrensende eetarea het sitplek vir 6 gaste. Die sitarea onder is geskik vir 5 gaste. Daar is 'n TV met DStv, 'n versameling DVDs vir kinders, asook speelgoed vir die jongspan. Gratis WiFi is beskikbaar.

Die sitarea lei na 'n omheinde stoeparea met 'n tafel en sitplek vir 6 gaste. Hier kan gaste hul ontbyt, middag- of aandete geniet. Die kothuis het toegang tot die gemeenskaplike tuin, lapa en swembad. Veilige parkeerplek is beskikbaar.

Die verblyf is in 'n relatiewe veilige area wat omhein is en 24 uur-sekuriteit het.

Kry ’n Kwotasie