Riversong Farm

Selfsorg

Kapasiteit: 14 persone
Inkloktyd: 14:00 tot 20:00
Uitkloktyd: 10:00
Adres: Riversong Plaas GK31, Pad P1526, Stilbaai-Wes, 6674, Wes-Kaap
Alle ouderdomme is welkom
Vanaf R1 400 per nag (plek vir 2)

Beskrywing

Riversong Farm is 'n 175 ha-plaas aan die oewer van die vreedsame Goukourivier. 13 km van ons af mond dié pragtige rivier by die Indiese Oseaan by Stilbaai uit, 'n tradisionele, gewilde kusdorpie met uitstekende Blouvlagstrande en geleentheid vir branderplankry.

Riversong het sy naam te danke aan die ongelooflike voëllewe op die plaas. Hier ontwaak jy soggens met die geluid van visvangers en wewers, en raak jy saans aan die slaap met die geroep van uile en naguile. Verder bied die plaas 'n tuiste aan geliefde honde, katte en skape, 'n perd asook donkies wat gered is.

Ons bied verblyf in hout-chalets en die hoofplaashuis. Albei is ten volle vir selfsorg toegerus en braaihout word voorsien. 'n Kano is tot gaste se beskikking en 'n boot met 'n 25 perdekrag-enjin en 2 staanroeiplanke is te huur.

Die plaas word omring deur lekker lang voetslaan- en bergfietsroetes. Riversong Plaas strek 5 km ver deur klowe en heuwels, verby varswaterdamme en grotte met Boesmantekeninge. Die plaas grens ook aan pragtige fynbos met proteas en riete.

Jy kan 'n bootvaart na die dorpie onderneem, gaan swem, waterski of op die see vaar, en ons het 'n jetty en skeepshelling vanwaar jy al hierdie avonture kan aanpak. Die Goukou-riviermond word deur die gety beïnvloed en is dus heeljaar lekker diep, skoon en veilig.

Kry ’n Kwotasie