Royston Hall Guest House

Voeg by Gunstelinge

 

Spesiale Aanbod 35 % af

Kry 35% af (minimum twee nagte se verblyf). Geldig vanaf 9 Sep 2019 tot 31 Okt 2019.

Beskrywing

Royston Hall is 'n statige ou Victoriaanse Herehuis met 'n Superieure Gradering van die AA Toerismegraderingsraad en dis gelys as 'n huis van met historiese belang deur die Geskiedkundige Raad.

Die huis is weggesteek in sy eie klein natuurreservaat en dit kyk uit oor die Umzimkulu-riviermonding met die Indiese Oseaan in die verte.

Royston Hall beskik oor 'n ryk geskiedenis en het baie stories om te vertel. Die eiendom is rustig en stil, los die kinders by die huis en kom skop jou skoene uit. Daar is net 5 dubbelkamers, elk met sy eie privaat bad- of stortkamer, luuks ingerig in Victoriaanse styl met koperbeddens en 'n hemelbed. Die 120 jaar oue Oregon-houtvloere, kosynlyse en panele straal 'n warm kleur soos heuning uit en komplementeer die 4,2 m hoë plafonne in die meeste van die kamers.

Die stilte word slegs onderbreek deur die visarend se kenmerkende geroep. Ons tel 207 soorte voëls op ons voëllys. Met 'n bietjie verbeelding voel dit of jy jou in 'n reuse voëlhok sonder heinings bevind. Voëlkykgroepe is welkom; doen gerus navraag oor spesiale tariewe.

Die groot swembad kyk af oor die krans oor die diep inheemse woude ver onder in die vallei en die Victoriaanse stoep word ingespan as eetkamer in goeie weer - so nie bedien ons voortreflike ontbyt in die formele eetkamer of biblioteek. Daar is WiFi om van gebruik te maak, sowel as DStv en ander geriewe. Die sitkamer is ideaal om met 'n lekker boek in stilte op te krul of 'n geselsie aan te knoop. Daar is ook 'n leefarea op die tweede verdieping met 'n Afrika-tema.

Die gastehuis is een uur se ry suid op die N2 van Durban af geleë en 2,3 km van die Umtentweni-swemstrand af (padlangs). Royston Hall is naby aan alle geriewe en 9 wêreldklas-gholfbane geleë. Kom bly by ons as 'n vierbal-gholfspan met julle vrouens. Kom bring jou wittebrood of spesiale geleentheid by ons deur. Of kom span hier uit tydens 'n besigheidsreis. Ons ontbyt is top-gehalte.

Kenmerke

  •  Afrikaans
  •  Swembad
  •  Braaiplek
  •  Veilige Parkering
  •  Gratis WiFi
  •  Konferensiegeriewe

Aktiwiteite Naby

  •  Perdry
  •  Voëlkyk
  •  Swem
  •  Tennis

Aktiwiteite op perseel

  •  Visvang
  •  Voëlkyk
  •  Begeleide Wandelpaaie
  •  Swem

Betaalopsies op Perseel

  •  Visa
  •  Mastercard
  •  Kontant
  •  Elektroniese Fondsoorplasing

Geriewe

  •  ADSL-lyn
  •  24-uur Ontvangs
  •  Lughawe-pendeldiens Op Versoek
  •  Swembad
  •  Braaiplek
  •  Gastesitkamer
  •  Wasgoeddiens
  •  Geen Rook Binnenshuis
  •  Malaria-vrye streek
  •  Satelliet-TV
  •  Daaglikse Skoonmaakdiens
  •  Gratis WiFi
  •  Konferensiegeriewe
  •  WiFi

Hier praat ons

  •  Afrikaans
  •  Engels
  •  Zoeloe

Konferensiegeriewe

  •  Wegbreekkamers
  •  Kantoorgeriewe
  •  Internet
  •  Televisie
  •  Videospeler
  •  Plek vir tot 10 afgevaardigdes

Maaltye Aangebied

  •  Ontbyt
  •  Aandete Op Versoek
  •  Piekniekmandjies Op Versoek
  •  Piekniek-middagete
  •  Tee
  •  Etes Op Versoek

Parkeerplek

  •  Veilige Parkering
  •  Parkering Van Die Straat Af

Kaart Meer oor die omgewing 

Gaste wat na Royston Hall Guest House gekyk het, het ook belangstelling getoon in die volgende lekke plekke:

Vanaf R1 100 R715 per nag (vir 2 mense)

Kry 35% af (minimum twee nagte se verblyf). Geldig vanaf 9 Sep 2019 tot 31 Okt 2019.

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za