Sandown Lodge

Lodge

Kapasiteit: 12 persone
Inkloktyd: 14:00 tot 22:00
Uitkloktyd: 10:00
Adres: Glebe-weg 10, Rondebosch, Kaapstad, 7700, Wes-Kaap
Alle ouderdomme is welkom
Vanaf R1 550 per nag, vir 2 mense

Beskrywing

Sandown Lodge is 'n bekoorlike Georgiaanse gastehuis uit die 19de eeu wat sentraal geleë is in 'n pragtige omgewing direk oorkant Rondeboschpark. Die sentrale ligging maak ons die ideale bestemming vir sakereisigers, akademici en vakansiegangers.

Die lodge bied akkommodasie in 3 ruim dubbel-suites wat goed ingerig is. Elke suite het sy eie en suite-badkamer, satelliet-TV, gratis WiFi internet, 100% katoenperkallinne en goeie beddens met elektriese komberse in die winter. Daar is ook 'n yskassie, tee- en koffiemaakgeriewe, mikrogolf en wasbak as gaste selfsorg verkies. Ons het ook ons eie watertoevoer vanuit 'n boorgat op die perseel. Die verblyf het sonpanele en word nie deur beurtkrag beïnvloed nie.

Alle suites het 'n aparte, privaat ingang en veilige parkeerplek van die straat af. Al die suites het ook toegang tot 'n pragtige, afgesonderde tuin met 'n 180 jaar-oue eikeboom as fokuspunt. Die skadu van die boom en die mannewales van die eekhoringtjies op soek na akkers, maak dit die perfekte plek om vroegoggend ontbyt, tee in die middag of 'n braai in die aand daar te geniet. 'n Kontinentale ontbyt kan teen 'n ekstra koste versoek word.

Daar is slaapplek vir 2 addisionele gaste in die groter selfsorg-suites.

Kry ’n Kwotasie