Sandpiper Paradise

Selfsorg

Kapasiteit: 6 persone
Inkloktyd: 11:00 tot 17:00
Uitkloktyd: 10:00
Adres: Island-weg, Sandpipers 11, Kleinemonde, 6170, Oos-Kaap
Alle ouderdomme is welkom
Vanaf R2 500 per nag (plek vir 6)

Beskrywing

Sandpipers Paradise is 'n eksklusiewe en privaat selfsorgvakansiehuis met prentjiemooi uitsigte oor die see en die strandmeer. Sandpipers Paradise lê op 'n duin in 'n melkhoutbos. Die flora en fauna is divers en volop en die voëlkyk is fantasties. As alles stil is, word otters soms in die strandmeer gesien. Die ongerepte strand strek kilometers ver in albei rigtings, perfek vir strandwandelings. Die blou see is ideaal vir swemmers.

Sandpipers Paradise is luuks, goed toegerus en bied slaapplek vir 6 gaste. Daar is 2 dubbelslaapkamers wat elk 'n koninggrootte-bed en 'n volledige en suite-badkamer met pragtige uitsigte het. Die derde slaapkamer is 'n kleiner slaapkamer op die onderste verdieping met 2 enkelbeddens en 'n en suite-badkamer met 'n stort en is ideaal vir 2 kinders.

Die kombuis is met 'n gasstoof, oond, yskas-vrieskas, wasmasjien, skottelgoedwasser, mikrogolfoond, Nespresso-masjien, ysmaker, en 'n yskassie toegerus. Die eet- en leefarea het 'n TV met volledige DStv Explora-boeket, en 'n Morsø-houtkaggel vir die koue aande. Hout word voorsien. Onbeperkte WiFi is beskikbaar. Die leefarea lei via stapeldeure na die terras met 'n panoramiese uitsig.

'n Weber gasbraai word voorsien. Daar is 'n tweeman-kano wat gaste op eie risiko kan gebruik. Veilige parkeerplek word voorsien.

Die Kleinemonde-oosrivier vorm 'n strandmeer aan die voet van die duin en is 'n veilige plek vir waterski, vlieërbranderry, kanovaart, swem en visvang. Die strandmeer oewer is 'n veilige paradys vir kinders van alle ouderdomme.

Kry ’n Kwotasie