Sea Cottage

Selfsorg

Winteraanbod 30% af

Kry 30% af (minimum twee nagte se verblyf). Geldig vir verblyf vanaf 1 Mei 2024 tot 31 Jul 2024.

Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Fiddlewood-weg 2, Southport, 4230, KwaZulu-Natal
Alle ouderdomme is welkom
Vanaf ~~R2 200~~ R1 540 per nag (plek vir 8)

Beskrywing

Sea Cottage is ’n selfsorgkothuis by die strand aan KwaZulu-Natal se Suidkus in die dorpie Southport. Southport is ’n baie gewilde visvangplek en is ook naby verskeie restaurante, gholfbane en winkelgeriewe. Die tuinhek voor lei na ’n smal strokie vol inheemse plantegroei - die enigste ding wat jou van die pragtige Blouvlagstrand skei.

Die kothuis het slaapplek vir 8 gaste en het 3 en suite-slaapkamers, ’n kombuis en oopplan-leefarea. Die hoofslaapkamer en tweede slaapkamer het elk ’n koningingrootte-bed. Die derde kamer het 2 stapelbeddens vir volwassenes. Elke slaapkamer het ’n en suite-badkamer met ’n stort, toilet en 'n wasbak. Gehaltelinne word voorsien, maar gaste moet hul eie bad- en swemhanddoeke saambring.

Die kombuis is volledig toegerus vir selfsorg met ’n gasstoof, oond, yskas-vrieskas, mikrogolfoond, eetgerei en breekware. Daar is ook ’n skottelgoedwasser, wasmasjien en tuimeldroër. Die eetarea het sitplek vir 8 en die sitarea het gemaklike sitplek en ’n groot platskerm-TV teen die muur met volle DStv en kringklank. WiFi is ook beskikbaar. Sonkrag beskerm die kothuis van beurtkrag.

Die voorste gedeelte van die kothuis, wat die eetarea, hoofslaapkamer en derde slaapkamer insluit, het opvoudeure wat na ’n lieflike veranda met ’n swembad lei.

Die kothuis is heeltemal omhein en voertuie kan in die omheinde oprit agter 'n elektriese hek parkeer. Die perseel het moderne sekuriteit, laserstraal-sekuriteit, a alarmstelsel, geslotekringtelevisie wat vanaf die sitarea gesien kan word en 'n elektroniese kluis. Buite is daar sonkragbeligting.

Kry ’n Kwotasie