Serenity Du Bois Lodge

Selfsorg

Blits-aanbod 30% af

Kry 30% af vir verblyf voor 13 Junie 2024. Bespreekbaar tot 17 Apr 2024

Tyd oor om te bespreek

Kapasiteit: 14 persone
Inkloktyd: 14:00 tot 22:00
Uitkloktyd: 10:00
Adres: Elandstraat 4604, Marlothpark, 1330, Mpumalanga
Alle ouderdomme is welkom
Vanaf ~~R1 450~~ R1 015 per nag, vir 2 mense

Beskrywing

Serenity Du Bois Lodge is 'n pragtige grasdak-lodge wat op die 3000 hektaar-reservaat, Marlothpark, geleë is. Dié reservaat lê aan die suidelike Krokodilriviergrens van die Krugerwildtuin en is slegs 15 minute se ry van die Krokodilbrug-ingangshek af. Daar is tientalle wildspesies in Marlothpark en heelwat diere kan rondom die lodge besigtig word.

Die lodge het slaapplek vir 14 gaste in 6 en suite-kamers met lugversorging, waarvan 5 kamers 'n patio het. Die lodge het selfsorggeriewe en 'n groot gemeenskaplike swembad. Daar is egter ook kroegetes en etes by die reservaat se restaurante beskikbaar indien gaste nie wil kook nie. Andersins kan gaste braai en luister na die bosgeluide — 'n leeu se brul of 'n hiëna se geroep, of die gegrom van 'n seekoei in die rivier.

'n Plonspoel bied lafenis in die snikhete somermaande. Wildkykritte en nagritte is beskibaar. Daar is gholfgeriewe naby die lodge. Die lodge-omgewing is 'n voëlkykersparadys en dit is naby Swaziland, Mosambiek en die Panoramaroete vir daguitstappies. Lughawe- en hotelvervoer is beskikbaar na en vanaf die lodge.

Gaste kan langs die Krokodilrivier gaan stap en na wild in die Krugerwildtuin kyk — dit is baie veilig aangesien daar 'n heining is wat die wild verhoed om heen en weer tussen Kruger en Marlothpark te beweeg. Die lodge is 4 tot 4½ uur se ry vanaf Johannesburg en Pretoria op die N12/N4 in die rigting van die Krugerwildtuin. Daaglikse vlugte is ook beskikbaar vanaf Johannesburg na die Kruger Mpumalanga Internasionale Lughawe en vervoerdienste is beskikbaar vanaf die lughawe tot by die lodge.

Kry ’n Kwotasie