+70

Shades of Provence

65 resensies

Gastehuis

Langtermynverblyf-aanbod

Kry 15% af vir verblyf wat 3 nagte of langer is. Hierdie aanbod is altyd geldig.

Kapasiteit: 12 persone
Inkloktyd: 13:00 tot 17:00
Uitkloktyd: 10:00
Adres: Fonteinstraat 24b, Riebeek-Kasteel, 7307, Wes-Kaap
Geen kinders onder 7
Vanaf ~~R800~~ R680 per nag, vir 2 mense

Beskrywing

Shades of Provence is weggesteek in die hartjie van die poskaartmooi Riebeek-Kasteel en dit bied selfsorgverblyf in 'n lieflike gastehuis wat die gevoel van die Riebeekvallei perfek vasvang. Gaste kan heerlik onder die olyfbome in die tuine met hulle mooi kleurvolle blomme ontspan of in die binnehof onder die eikeboom 'n glasie Shiraz geniet.

Die gastehuis bied verblyf in 6 en suite-slaapkamers wat individueel of as 'n geheel bespreek kan word. Die huis kan ook in 2 ewebeeld-eenhede gedeel word. Vier van die kamers beskik oor 'n groot bad en stort en die ander 2 kamers het net 'n stort. Lavender Fields het 'n gesogte spa-bad. Die kamers word daagliks skoongemaak. Elke kamer beskik oor lugversorging, 'n TV met sekere DStv-kanale en tee- en koffiemaakgeriewe. Gratis WiFi is oral beskikbaar.

Daar is 2 goed toegeruste kombuise, 2 leefareas met 'n kaggel in elk en 'n terapie-kamer. Die huis het 'n swembad vir warm somersdae. Daar is parkeerplek op die perseel agter 'n hek beskikbaar.

Geniet ontbyt by een van die vele goeie restaurante in die dorp. Gaste kan ook uitsien na die mooi platteland, ongelooflike kos en uitstekende wyn uit die vallei. Gaste kan ook 'n warm klip-massering by een van die gastehuis se ervare terapeute bespreek.

Kry ’n Kwotasie