Sifrandi

Selfsorg

Soos Gesien op Instagram
Kapasiteit: 9 persone
Inkloktyd: 14:00 tot 20:00
Uitkloktyd: 10:00
Adres: Eersterivier-weg, Konkiebaai No. 2, Tsitsikamma, 6303, Oos-Kaap
Alle ouderdomme is welkom
Vanaf R3 800 per nag, vir 9 mense

Beskrywing

Sifrandi is 'n pragtige houthuis op 'n heuwel met 'n uitsig oor Konkiebaaistrand en is in Eersterivier in die Tsitsikamma-area geleë. Dié unieke seefronthuis het 'n paadjie wat direk na die strand lei en is ideaal vir 'n groep vriende, gesin of 'n romantiese wegbreek vir 2.

Dié drieslaapkamerhuis spog met 'n see-uitsig vanuit elke kamer. Daar is 'n en suite-slaapkamer op die grondverdieping, asook 'n kombuis, opwasarea, 2 leefareas en 'n eetarea. Die eerste verdieping het 'n oopplan-leefarea en 2 en suite-slaapkamers, elk met 'n privaat balkon.

Die hoofslaapkamer het 'n koninggrootte-bed en 'n pragtige en suite-badkamer met 'n stort en 'n bad. Die tweede slaapkamer het 'n koninggrootte-bed en 'n enkelbed, en die en suite-badkamer het 'n stort. Die slaapkamer op die onderste verdieping het 'n dubbelbed en 'n en suite-badkamer met 'n bad en stort. Daar is ook 'n dubbelbed in die solder vir kinders.

Die kombuis is met 'n yskas-vrieskas, stoof, oond en 'n mikrogolf toegerus. Verder is daar 2 leefareas, elk met 'n kaggel wat ideaal is vir 'n koue wintersnag. Gratis WiFi en DStv word voorsien. Die leefarea op die boonste verdieping het 'n lessenaar wat Sifrandi ook 'n uitstekende plek vir sakereisigers maak. Die dek is die ideale plek vir skemerkelkies, braai, ontspan of om 'n koppie tee of koffie vroegoggend te geniet. Een van die dekke het 'n boma, 'n braai-area en 'n pizza-oond, en die oostelike dek het 'n gasbraai wat gaste toelaat om in alle weerstoestande te braai.

Eersterivier is op die rotsagtige, ongerepte kuslyn van Tsitsikamma op die bekende Tuinroete weggesteek. Dit is afgeleë en veilig, en die uitgestrekte strand is ongerep, met 3 verskillende baaie om in te duik of die son en die sagte sand te geniet. Kinders kan heel dag lank die kristalhelder rotspoele met 'n oorvloed seelewe verken. Dolfyne en walvisse kan elke jaar in die water gesien word, en gaste kan ook visvang van die rotse af. Fynbos Gholfbaan is 'n entjie se ry vanaf Sifrandi, waar gaste tennis, gholf of muurbal kan speel, die modern gimnasium kan gebruik of maaltye in die restaurant op die perseel kan geniet.

Kry ’n Kwotasie