Simon's Town Guest House

Gastehuis

Kapasiteit: 10 persone
Inkloktyd: 14:00 tot 18:00
Uitkloktyd: 10:00
Adres: 20 Bennett Slot, , Simonstad, 7975, Wes-Kaap
Geen kinders onder 5
Vanaf R1 600 per nag, vir 2 mense

Beskrywing

Simon’s Town Gastehuis is ‘n 4-ster-gastehuis in die prentjiemooi dorpie Simonstad in Kaapstad. Dit is perfek vir gaste wat op soek is na gerieflike verblyf en warm gasvryheid naby aan verskeie doendinge.

Die akkommodasie by Simon’s Town Gastehuis word aangebied in 5 suites wat stylvol gemeubileer is met pragtige see-uitsigte. Die kamers is ingerig met óf 2 ekstra-lengte enkelbeddens óf ‘n koninggrootte-bed. Die kamer het ook ‘n en suite-badkamer wat beskik oor ‘n bad, ‘n aparte stort, ‘n wasbak en ‘n toilet.

Die suites het ook gratis WiFi, lugversorging, 'n platskerm-TV met sekere DStv-kanale, 'n koffiemasjien, 'n ketel, 'n yskassie, kluis vir skootrekenaars, USB-koppelpunte.

Gaste kan ‘n heerlike Kontinentale ontbyt in die eetkamer, of in die binnehof wat wonderlike see-uitsigte bied, geniet indien hulle die ontbyt-opsies kies). Simon’s Town Gastehuis beskik ook oor ‘n gemeenskaplike sitkamer waarin gaste kan kuier en ontspan.

Daar kan in twee van die kamers (Shingwedzi en Joao) 'n ekstra enkelbed teen 'n ekstra koste voorsien word.

Daar is parkeerplek beskikbaar vir gaste se voertuie en die gastehuis is net 5 minute se stap van Glencairn-strand, winkels en restaurante af. Dit is ook net ‘n paar minute se ry na Boulders-strand waar die pikkewyne graag baljaar, sowel as museums, ander geriewe en doendinge al langs die Suidelike Skiereiland.

Kry ’n Kwotasie