Skitterland Gastehuis

Gastehuis

Kapasiteit: 12 persone
Inkloktyd: 14:00 tot 18:00
Uitkloktyd: 10:00
Adres: Piet Retiefstraat 15, Sutherland, 6920, Noord-Kaap
Alle ouderdomme is welkom
Vanaf R1 200 per nag, vir 2 mense

Beskrywing

By Skitterland is al die fokus op jou, want jy verdien net die beste. Sutherland en Skitterland is nie net prentjiemooi nie, maar hier sal jy ook die koudse plek in Suid-Afrika vind met die skoonste lug en grootste teleskoop in Afrika.

Luuksheid is die beste beskrywing vir Skitterland, en dit word gekombineer met ouwêreldse bekoorlikheid. Die omgewing is ook asemrowend. Vriendelike diens en fantastiese spyseniering verseker ’n onvergeetlike ervaring. Gaste sal telkemale terugkeer.

Elke kamer het ’n waaier of lugversorging, ondervloerse verhitting, tee-en koffiemaakgeriewe, ’n haardroër en plasma-TV. ’n Plaasontbyt kan elke oggend in die ontbytkamer geniet word.

Skitterland het ’n plonspoel vir die warm somersdae. Veilige onderdakparkeerplek word voorsien. WiFi is beskikbaar in die ontbytkamer.

Ons doen niks halfpad nie, want ons doen ons bes om die allerbeste verblyf en kookkuns te lewer. Indien jy hulp benodig om etes, die wêreldbekende observatorium en sterrekyk te bespreek, is ons meer as bereid om ’n hand by te sit.

Kry ’n Kwotasie