by Smithland 3-Bedroom House | LekkeSlaap

+29

Smithland 3-Bedroom House

Selfsorg

Kapasiteit: 20 persone
Inkloktyd: 14:00 tot 18:00
Uitkloktyd: 10:00
Adres: Hans Strydom-straat 18, Parow Noord, 7500, Wes-Kaap
Alle ouderdomme is welkom
Vanaf R750 per nag (plek vir 2)

Beskrywing

Smithland 3-Bedroom House is 'n drieslaapkamerhuis en 'n enkelwoonstel teen die huis, in Parow Noord in die Noordelike Voorstede.

Die dubbelverdiepinghuis het 3 slaapkamers, 2 badkamers en 'n oopplan-kombuis, -eetarea en -leefarea. Die eerste slaapkamer het 2 enkelbeddens en 'n en suite-badkamer met 'n stort, toilet en wasbak. Die tweede en derde slaapkamer het ook elk 2 enkelbeddens en dié 2 slaapkamers deel 'n badkamer wat 'n bad, stort, toilet en wasbak het. Daar is nog 2 enkelbeddens in die sitarea.

Die kombuis is met 'n stoof, oond, mikrogolf, ketel, broodrooster en 'n yskas toegerus. Daar is ook 'n etenstafel met sitplek vir 6 gaste en 'n platskerm-TV met sekere DStv-kanale. Gratis WiFi is beskikbaar en die huis het 'n braai-area buite. Daar is parkeerplek agter 'n hek.

Die oopplan-enkelwoonstel het 'n dubbelbed en 'n badkamer met 'n stort, toilet en wasbak. Daar is 'n kombuisie met 'n mikrogolf, tweeplaatstoof, oondjie, broodrooster, yskassie en tee- en koffiemaakgeriewe toegerus. Gratis WiFi is beskikbaar. Die huis grens aan die drieslaapkamerhuis, maar het 'n aparte ingang. Parkeerplek is reg voor die eenheid agter 'n hek beskikbaar.

Gaste kan die gemeenskaplike swembad op die eienaar se perseel gebruik. Dit is in die Smithland Guest Apartments-kompleks, sowat 150 m ver.

Die verblyf het maklike toegang tot die N1, die V&A Waterfront en Century City.

Kry ’n Kwotasie