Stevenski's Guesthouse

Gastehuis

Kapasiteit: 10 persone
Inkloktyd: 14:00 tot 21:00
Uitkloktyd: 10:00
Adres: Hardekoolsingel 2, Onverwacht, Lephalale, 0557, Limpopo
Alle ouderdomme is welkom
Vanaf R980 per nag, vir 2 mense

Beskrywing

Stevenski's Guesthouse staan onder die blaredak van inheemse bome en is ideaal vir voëlkykers en besoekers wat smag na rus. Stevenski's Guesthouse is net 4 ure se ry van Johannesburg af en bied 'n rustige atmosfeer en alles wat die bosveld het om te bied, selfs nagapies speel in ons tuin. By Stevenski's Gastehuis word vreemdelinge vriende en ons strewe om almal welkom en tuis te laat voel.

Kamers 1 tot 3 is ruim en beskik oor en suite-badkamers met baddens en storte, kamers 4 tot 6 het en suite-storte. Kamers 4 tot 7 is selfsorg-eenhede vir 2 persone. Elke kamer het 'n werkstasie vir sakereisigers.

Die nuutste toevoegings, kamer 8, 9, 10, 11 en 12 is uitmuntend en het en suite-badkamers met baddens en storte. Elkeen is toegerus met 'n mikrogolfoond, eetgerei en breekware vir 2 persone.

Al die kamers het 'n pragtige uitsig oor die tuin en daar is verskeie buite-areas waar gaste kan ontspan. Koel ook gerus lekker af in die swembad.

Ontbyt en aandete word bedien in die eetkamer met sy groot stoepdeure en uitsigte oor die tuin en swembad. Gaste kan 'n heerlike ontbyt of tuisgemaakte etes hier geniet. Kospakkies is ook beskikbaar op versoek.

Lephalale is in die lieflike Waterberge, sowat 333 km van Johannesburg af geleë. Die gastehuis is strategies geleë in 'n stil buurt, op pad na die Matimba- en Medupi-kragstasie en die Exxaro-myn (sowat 12 km van ons af). Lephalale se FET College, Mogol Club en die winkelsentrum is stapafstand van ons af. Vervoer is beskikbaar na en vanaf die plaaslike vliegveld.

Stevenski's Gastehuis se leuse is "Waar vreemdelinge vriende word" en dit is vir ons belangrik dat jy tuis voel tydens jou verblyf.

Kry ’n Kwotasie