Sticks & Stones Guest Cottage

B&B

Langtermynverblyf-aanbod 20% af

Kry 20% af vir verblyf wat 5 nagte of langer is. Hierdie aanbod is altyd geldig.

Gratis kansellasie tot 24 uur voor jou verblyf!
Kapasiteit: 2 persone
Inkloktyd: 14:00 tot 20:00
Uitkloktyd: 10:00
Adres: Poplar-straat 14, Doornpoort, Pretoria, 0186, Gauteng
Alle ouderdomme is welkom
Vanaf ~~R750~~ R600 per nag, vir 2 mense

Beskrywing

Sticks & Stones Guest Cottage bied oornagverblyf en is op die eienaar se perseel in Doornpoort, Pretoria geleë. Hierdie boomryke stad spog met verskeie natuurlike en kulturele besienswaardighede sowel as belangrike ou geboue en museums wat dit die moeite werd maak om te verken.

Dié grasdak-houtkothuis bied slaapplek aan 2 gaste en is apart van die hoofhuis. Die kothuis beskik oor 'n gekombineerde leefarea, kombuisie en slaaparea. Dit het 2 enkelbeddens wat in 'n koninggrootte-bed omskep kan word. Die en-suite badkamer het 'n gerieflike stort, toilet en wasbak. Handdoeke, basiese toiletware en elektriese warmlakens word voorsien.

Die kothuis het 'n kombuisie wat met verhit-en-eetgeriewe toegerus is. Daar is ook 'n platskerm-TV met volle DStv, 'n privaat ingang, 'n alarmstelsel en 'n buitesitarea. WiFi, braaigeriewe en veilige parkeerplek is op die perseel beskikbaar.

Sticks & Stones is op 'n stil eiendom 'n entjie vanaf die Doornpark-sentrum se geriewe geleë. Dit is ook naby 'n vulstasie, mediese praktyke, haarkappers, wegneemetes en ander restaurante, asook OTM'e. Die Montana-hospitaal, Wonderboom-lughawe, N1 en die N4 se Zambezi-afrit is ook naby. Die kothuis bied 'n rustige atmosfeer in die skadu van groot bome waar verskeie voëls woon. Nagapies word ook dikwels in die tuin gesien.

Hierdie eiendom maak van sonkrag gebruik sodat gaste nie deur kragonderbrekings geaffekteer word nie.

Kry ’n Kwotasie