Sugarbush Hill Country Cottages

Selfsorg

Kapasiteit: 89 persone
Inkloktyd: 14:00 tot 18:00
Uitkloktyd: 10:00
Adres: Kromdraaiweg, Renosterfontein, Buffelspoort, 0842, Noordwes
Alle ouderdomme is welkom
Vanaf R700 per nag (plek vir 4)

Beskrywing

Sugarbush Hill Country Cottages is in 'n pragtige en rustige vallei in die Magaliesberge geleë. Die kothuise is ideaal vir 'n wittebrood, gesinstoevlug, of vakansiegangers wat die gejaag van die stad wil ontsnap.

Daar is 15 selfsorg-klipkothuise, elkeen met toegang tot hul eie parkeerarea en braaigeriewe. Die huisies het elkeen 'n ten volle toegeruste kombuis, privaat patio en 'n pragtige uitsig op die berge.

Daar is 'n verhitte swembad, supertube, putt-putt-baan en 'n kroeg met 'n uitsig oor die swembad. Daar is ook 2 funksielokale vir 100 of 40 afgevaardigdes asook ‘n kerkie vir die seremonie.

Sugarbush Hill Country Cottages het ook ‘n onderdakswembad wat ongelukkig net so warm word as wat die son dit toelaat aangesien dit verwarm word met sonpanele en sal op onweersdae en wintersdae nie warm wees nie, en op warm somersdae sal dit slegs matig warm sal wees.

Daar is ‘n Jacuzzi wat vooraf bespreek moet word aangesien dit tot 4 ure neem om warm te word. Hy is gratis gedurende naweke en vakansietye, maar daar sal ‘n fooi gevra word in die middel van die week.

Die plaas het 'n verskeidenheid voëls en fauna waaronder rooibokke, blesbokke en swartwitpensbokke. Daar is ‘n klein dammetjie waarin gaste op 'n vang-en-vrylaat-basis kan hengel. Gaste kan op die plaas, in die natuur, gaan wandel. Vra asb die sleutel by die kantoor om toegang te kry tot die fasiliteite.

Kry ’n Kwotasie