Sunset Villa

Selfsorg

Kapasiteit: 8 mense
Inkloktyd: 14:00 tot 19:00
Uitkloktyd: 10:00
Adres: Fisantesingel 13, Vermont, 7201, Wes-Kaap
Geen kinders onder 12
Vanaf R4 790 per nag (plek vir 8)

Beskrywing

Sunset Villa is op die kruin van 'n duin in die rustige buurt, Vermont. Dit bied gerieflike selfsorgverblyf in 'n moderne vakansievilla met kontemporêre bekoorlikheid. Dit word omring deur 'n lowerryke tuin wat mooi versorg is. Dit is ook net 5 minute se stap vanaf Breakfast Bay-strand en die kuswandelpaadjies.

Die villa se vloei verseker ontspannende en privaat kuierareas beide binne en buite en groot skuifdeure vergemaklik beweging tussen die buitebraai-area by die swembad en die oopplan-kombuis, -eetkamer en -sitarea.

Die villa bied slaapplek aan 8 gaste en beskik oor 4 slaapkamers. Die smaakvolle hoofslaapkamer het 'n koningingrootte-bed en 'n instapkas met genoeg kasspasie. Die en suite-badkamer is ideaal vir ontspanning tydens die sonsondergang en laat gaste toe om die rus en vrede van die natuur te waardeer. Dié badkamer het 'n groot bad, stort, wasbak en toilet. Hierdie slaapkamer het ook 'n privaat balkon met 'n uitsig oor die natuurreservaat en bergreeks. Die tweede slaapkamer is op die onderste verdieping en lei na die swembadarea en pragtige tuin. Dit het 'n koningingrootte-bed en 'n en suite-badkamer met 'n stort, wasbak en toilet. Die derde en vierde slaapkamer is ook op die onderste verdieping en het elk 2 enkelbeddens. Gaste in hierdie slaapkamers deel 'n badkamer met 'n stort, wasbak, toilet en genoeg kasspasie. Die vierde slaapkamer het 'n privaat stoeparea met 'n uitsig oor die tuin. Kraakvars linne en handdoeke word voorsien.

Die kombuis is met 'n yskas-vrieskas, stoof, oond, mikrogolf, eetgerei, breekware en tee- en koffiemaakgeriewe toegerus. Daar is ook 'n skottelgoedwasser en wasmasjien. Die kombuis lei na 'n knus eetkamerarea en hoofsitarea wat op hul beurt lei na die braai-area met 'n uitsig oor die swembad. Die sitarea het gemaklike sitplek en 'n kaggel vir die koeler aande.

Op die boonste verdieping is daar 'n privaat sitarea met 'n romantiese see-uitsig, gemaklike rusbanke en 'n slim-TV met toegang tot Netflix en Amazon Prime. Daar is ook 'n kombuisie wat met 'n yskassie en mikrogolf toegerus is. 'n Gastetoilet is ook op die boonste verdieping beskikbaar. Gratis WiFi is regdeur die huis beskikbaar en die balkon is die ideale plek om die asemrowende sonsondergang gade te slaan. Dit is die perfekte plek vir 'n skemerkelkie aangesien gaste die gedruis van die branders in die agtergrond daarvandaan kan hoor.

Gaste kan ontspan in die pragtige tuin en swembad of in in die onderdak-buitesitarea wat ideaal is vir al fresco-maaltye. Veilige motorhuisparkeerplek is beskikbaar, maar gaste kan ook in die oprit parkeer. Die eiendom is veilig en het 'n alarmstelsel.

Vermont is stil en rustig en bied 'n groot verskeidenheid voëlspesies en 'n atmosfeer wat gaste na aan die natuur sal laat voel. Toegang tot die beroemde Hermanus-strande, 'n aantal restaurante, kunsgalerye en koffiewinkels is ook net 'n kort entjie se ry ver.

Kry ’n Kwotasie