Taaiboschfontein Karoo Accommodation

Voeg by Gunstelinge

 

Beskrywing

Taaiboschfontein het ’n nuwe eienaar en bied gerieflike verblyf op 'n skaapplaas in die Drie Susters-area aan die voet van die Nuweveldberge. Gaste word hartlik uitgenooi om die plattelandse gasvryheid en rustige atmosfeer van die Karoo te kom geniet.

Verblyf word in 5 en suite-kamers in die hoofhuis gebied. Elkeen van die kamers het slaapplek vir 2 tot 4 gaste. Daar is 2 en suite-dubbelkamers net buite die hoofhuis wat uit natuurlike materiale op die plaas gebou is. Daar is ook 'n privaat selfsorg-eenheid naby die hoofhuis met slaapplek vir 'n maksimum van 6 gaste en 'n minimum van 4 gaste. Die eenheid is ideaal vir 'n groot gesin. Verder is daar ook 'n bos-chalet met slaapplek vir 6 mense. Die chalet beskik oor 2 slaapkamers en 2 badkamers en daar is ook braaigeriewe binne en buite. Die kombuis is met gastoebehore, elektriese ligte en warm water toegerus. Die chalet het geen kragpunte nie. Al ons kamers maak gebruik van sonkrag en 'n kragopwekker.

Die Hunter's Hut is nog 'n opsie. Dit bied 'n lieflike Karoo-ervaring sonder elektrisiteit met net olielampe, 'n kombuis met gas-toebehore en braaigeriewe buite. Die Hunter's Hut beskik oor 3 slaapkamers, 2 badkamers en daar is slaapplek vir tot 9 gaste. Daar is selfsorg-opsies vir aandete beskikbaar, soos braaipakkies, roosterkoek en slaai.

Buiten die skaapboerdery maak die plaas ook deel uit van die Kromrivier Oewerkonyn Bewarea in 'n pragtige deel van die Karoo. Die streek is ryk aan dier- en voëlspesies. Gaste is meer as welkom om vir 'n skilderagtige rit in die berge te gaan, berg te klim of om net terug te sit en die sterre te geniet.

Daar is soveel doendinge vir die hele gesin om te geniet. Op die plaas kan 'n mens voetslaan, die hansdiere voer of in die Karoo-swembad afkoel. Fietsry op die plaas is 'n gunsteling met die pragtige uitsigte en oop vlaktes. Voëlkykers sal ook die plaas geniet met al die verskillende spesies en naguil wat graag op die grasperk na insekte kom soek. Tuisgemaakte produkte, koeldrank, en bevrore Karoolam (indien beskikbaar) is te koop.

Kenmerke

  •  Afrikaans
  •  Swembad
  •  Braaiplek
  •  Troeteldiere indien gereël
  •  Gratis WiFi

Aktiwiteite Naby

  •  Voëlkyk
  •  Fietsry
  •  Bergfietsroetes
  •  Swem

Aktiwiteite op perseel

  •  Voëlkyk
  •  Fietsry
  •  Bergfietsroetes
  •  Swem

Betaalopsies op Perseel

  •  Kontant
  •  Elektroniese Fondsoorplasing

Geriewe

  •  24-uur Ontvangs
  •  Kinderoppasser Op Versoek
  •  Swembad
  •  Braaiplek
  •  Speletjieskamer
  •  Gastesitkamer
  •  Kombuisgeriewe
  •  Wasgoeddiens
  •  Geen Rook Binnenshuis
  •  Troeteldiere indien gereël
  •  Selfsorg
  •  Daaglikse Skoonmaakdiens
  •  Gratis WiFi
  •  WiFi

Hier praat ons

  •  Afrikaans
  •  Engels

Konferensiegeriewe

  •  DVD-speler
  •  Televisie

Maaltye Aangebied

  •  Ontbyt
  •  Aandete Op Versoek

Parkeerplek

  •  Parkering Van Die Straat Af

Kaart Meer oor die omgewing 

Gaste wat na Taaiboschfontein Karoo Accommodation gekyk het, het ook belangstelling getoon in die volgende lekke plekke:

Vanaf R705 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]

// Hotjar AB false