Tatenda Guesthouse

Gastehuis

Kapasiteit: 22 persone
Inkloktyd: 14:00 tot 18:00
Uitkloktyd: 10:00
Adres: Tarentaalstraat 303, Hazyview, 1242, Mpumalanga
Alle ouderdomme is welkom
Vanaf R1 250 per nag, vir 2 mense

Beskrywing

Tatenda Guesthouse is in die hartjie van Hazyview se residensiële area geleë. Die gastehuis is net 10 minute se ry vanaf die Kruger Nasionale Wildtuin se Phabeni-hek en is baie sentraal geleë vir besoekers aan die Panorama-roete, Sabie, Graskop, Pelgrimsrus, Hoedspruit en omliggende besienswaardighede.

Die gastehuis beskik oor 5 en suite-slaapkamers en 2 selfsorg-eenhede. Al die kamers het en suite-badkamers en is gemaklik gemeubileer en versier met Afrika-temas en style. Die selfsorg-eenhede bestaan uit 'n vakansiehuis en 'n houthuisie wat beide nabye toegang het tot 'n pragtige swembad wat bedek is, privaat lapa en braai-area met 'n uitsig oor die Sabie-riviervallei.

Elke kamer het toegang tot die rustige tuin en die pragtige sierfonteintjies en rustige tuin met verskeie voëlspesies en blouapies. Daar is veilige parkeerplek. Die gastehuis maak van sonkrag gebruik in die geval van beurtkrag.

Tatenda het 'n pragtige tuin waar gaste kan ontspan. Dit is 'n natuurlike bebosde area met volwasse inheemse bome wat koelte bied, 'n toevlugsoord vir voëls is en 'n ontspanne omgewing skep waar gaste met die tuinpaadjies langs kan stap en die natuur kan aanskou.

Kry ’n Kwotasie