Terra Casa

Gastehuis

Kapasiteit: 12 persone
Inkloktyd: 14:00 tot 19:00
Uitkloktyd: 10:00
Adres: Patryslaan 2, Cashan 5, Rustenburg, 0299, Noordwes
Alle ouderdomme is welkom
Vanaf R1 900 per nag, vir 2 mense

Beskrywing

Terra Casa is geleë in Rustenburg in die Noordwes. Dit is 'n unieke vyfster-gastehuis wat dien as 'n rustige wegbreekbestemming vir oordeelkundige gaste. Hier word jy bederf met individuele aandag en daardie "ietsie ekstra".

Ons het 6 luukse, unieke suites met en suite-badkamers en uitsigte op die tuin of die berg. Ons beskou ons kamers as 'n lewenslange projek en is altyd besig om dit te verander en te versier.

Ons het 2 eetkamers. Een is formeel en beskik oor 'n pragtige tafel wat deur Pierre Cronje ontwerp is met sitplek vir 12 gaste. Die Rafaelkamer is meer informeel en het individuele tafels, luisterryke uitsigte en deure wat lei na die privaat stoep en tuin.

Ons gaste se gunstelingplekkie is die veranda met sy intieme tuin, visdam en wonderskone uitsigte op die Magaliesberge. Langs die veranda is 'n klein sitkamer met 'n tafel en Elmarie se kosbare boeke. Die knus plaaskombuis met sy Dover-stoof is net vir die eienaars se gebruik, maar gaste is altyd welkom om vir Elmarie geselskap te hou terwyl sy een van haar heerlike geregte voorberei.

Dawie se gul, pragtige tuin met tropiese plante soos palmbome, broodbome en varings is beslis iets om te beleef. Die klank van die voëltjies en die water in die visdamme maak dit 'n ware oase. Die ruim swembad is uiters verfrissend, veral in die somer. Gaste kan heerlik ontspan onder die pergola en die gazebo en hulself verlustig in die kalm atmosfeer.

Kry ’n Kwotasie