The Elegant Desert Camp

Tentekamp

Soos Gesien op Facebook
Kapasiteit: 20 persone
Inkloktyd: 14:00 tot 19:00
Uitkloktyd: 10:00
Adres: Langs die D854, 45 km vanaf Sesriem, Sossusvlei-Suid, 0000, Hardap
Alle ouderdomme is welkom
Vanaf R4 000 per nag, vir 2 mense

Beskrywing

Elegant Desert Camp skuil in die oeroue Namibwoestyn, omring deur die magiese Tsarisberge en eindelose vlaktes, net 45 km van Sesriem af. Hier smelt die hemelruim soomloos saam met die eindelose vlaktes en bied 'n uitsig wat jou asem sal wegslaan. Die uiterse rustigheid en skoon, oop lug wat jy in hierdie vlaktes sal vind maak dié kamp een van Afrika se aanloklikste bestemmings. Dit is 'n versteekte juweel wat gaste verwelkom met sy eindelose horisonne en ruwe berg-silhoeëtte.

Verblyf is beskikbaar in 10 pasgemaakte seiltente. Die tente is sorgvuldig tussen groot rotse staangemaak. Elke tent het 'n binne- en 'n buitestort, 'n uitkykdek en bied onbelemmerde woestyn-uitsigte. Die tente is so ontwerp om privaatheid aan gaste te bied.

Die kamp het 'n groot skemerkelkie-dek op die berg en 'n kristalhelder swembad tussen die rotse wat besonderse uitsigte oor die landskap bied. Gaste kan in die rotspoel swem of by die handgemaakte kroeg met hangstoele wat 360° in die rondte draai ontspan.

The Elegant Desert Camp is deel van die Elegant Collection. Gaste kan hulself bederf met middagete by die Elegant Desert Lodge en 'n Suid-Afrikaanse bottel wyn wat met die hand deur die eienaars uitgesoek is. In die middae kan gaste by die Elegant Desert Lodge ontspan of terugkeer na die kamp om die besonderse uitsigte vanaf die tent se dek of die swembaddek aan die bergkant te geniet. Gaste kan ook vir 'n rit gaan waar die besonderse uitsigte van die Tsaris- en Naukluftberge in die Namibwoestyn verder geniet kan word.

Aandete is in 'n Namibiese styl by die boma onder die sterrehemel langs 'n tradisionele vuurherd waar legendariese braaie deur vriendelike en entoesiastiese sjefs voorberei word.

Al hierdie deurdagte details, die vriendelike en goed-opgeleide personeel en die stil en ongerepte landskap, sal verseker dat gaste 'n merkwaardige ervaring by The Elegant Desert Camp het.

Kry ’n Kwotasie