The Palm

Selfsorg

Gratis kansellasie tot 24 uur voor jou verblyf!
Kapasiteit: 2 mense
Inkloktyd: 15:00 tot 19:00
Uitkloktyd: 10:00
Adres: Parkechesterlaan 8, Pinelands, Kaapstad, 7405, Wes-Kaap
Alle ouderdomme is welkom
Vanaf R850 per nag (plek vir 2)

Beskrywing

The Palms Pinelands is 'n eenheid met 'n aparte ingang wat op die eienaar se perseel in Pinelands geleë is. Pinelands is 'n boomryke voorstad wat baie sentraal in Kaapstad is. Die middedorp is 10 km ver en die lughawe is 15 km ver. The Palm is 5 minute van die Vincent Palloti-hospitaal af geleë, 10 minute vanaf die Rooikruis Kinderhospitaal, asook UCT Hospitaal en stapafstand van Old Mutual af.

Die oopplan-eenheid is privaat en het 'n dubbelbed met slaapplek vir 2 gaste. Die en suite-badkamer het 'n stort, wasbak en toilet. In die kamer is daar 'n yskas, mikrogolf, ketel en tee-en koffiemaakgeriewe. Daar is ook 'n sytafeltjie, 2 stoele en 'n TV met DStv. Gratis WiFi toegang is beskikbaar. Daar is 'n aparte kombuisie langs die kamer met 'n oondjie, broodrooster en alle nodige toebehore en breekware om gaste se selfsorgverblyf te vergemaklik. Slegs vir gaste wat 7 dae of langer bly, is daar weeklikse skoonmaakdienste beskikbaar.

Veilige parkeerplek word voorsien vir motors. 'n Wasgoeddiens is teen 'n nominale fooi per bondel beskikbaar en sluit was, droogmaak en vou in. Die gashere is meer as gewillig om enige voorstelle te maak of raad aan gaste te gee om hul Kaapstad-wegbreek onvergeetlik te maak, en verwys hul na toeriste-aantreklikhede en goeie plaaslike restaurante.

Kry ’n Kwotasie