The Shire Eco Lodge

Lodge

Soos Gesien op Facebook
Kapasiteit: 8 persone
Inkloktyd: 10:00 tot 22:00
Uitkloktyd: 12:00
Adres: Erf 158, Stutterheim, 4930, Oos-Kaap
Alle ouderdomme is welkom
Vanaf R925 per nag, vir 2 mense

Beskrywing

The Shire Eco Lodge is aan die rand van die inheemse Xholora-woud in die Amatolaberge, 10,2 km vanaf Stutterheim geleë. Die lodge bied 'n innoverende ontwerp in 'n manjifieke omgewing en is die ideale wegbreekplek vir natuurliefhebbers, avontuurlustiges, sakereisigers en gesinne.

Gerieflike verblyf word in 2 selfsorg-chalets aangebied en is perfek vir paartjies of 'n gesin van 4. Elke oopplan-chalet het 'n koningingrootte-bed of 2 driekwartbeddens, asook 2 slaapbanke vir kinders. Elke chalet het 'n en suite-badkamer met 'n stort, toilet en 'n wasbak.

Die kombuis is met 'n yskas, mikrogolfoond, tee- en koffiemaakgeriewe toegerus en gaste het toegang tot hul eie braaigeriewe. Die chalets het treffende hoekvensters met geboë glas waar gaste kan voel asof hulle deel is van die woud.

Daar is 'n aantal restaurante in Stutterheim waar gaste saans kan eet. Verder kan gaste ook plaaslike kunstenaars en galerye, pottebakkerywerkswinkels, die Stationary Engine Museum, en die Old Thomas River Historical Village met sy rotskunsmuseum en toere besoek, of die Mqwali Xhosa Cultural Village verken.

Aktiwiteite en besienswaardighede in die omgewing sluit pragtige staproetes na watervalle, Lemonwood-woude, die Andersondam, perdryroetes, voëlkyk, bergfietsroetes, kanovaart op die Gubu-dam, forel- en basvisvang, boogskiet, rotsklim en bouldering, abseil, motorfietstoere, gholf, tennis en muurbal in.

Kry ’n Kwotasie