The Spinning Reel

Selfsorg

Kapasiteit: 22 persone
Inkloktyd: 14:00 tot 19:00
Uitkloktyd: 09:00
Adres: Freshwater-weg 10, Port Alfred, 6170, Oos-Kaap
Alle ouderdomme is welkom
Vanaf R668 per nag, vir 2 mense

Beskrywing

The Spinning Reel is teen Port Alfred se strand aan die Sonskynkus geleë en bied verskeie verblyf-opsies. Hiér is die strand byna op jou drumpel, kan jy 'n wonderskone sonsopkoms geniet en is jy net 2 minute se ry van die middedorp af. The Spinning Reel bied 'n ontspanne, gerieflike en afgesonderde vakansie-wegbreek vir gesinne en paartjies. Dit is ook die ideale oornagverblyf vir moeë reisigers.

Verblyf sluit afgesonderde selfsorg-strandkothuise, lieflike chalets met asemrowende see-uitsigte, en B&B-opsies met strand-uitsigte in. Elke strandkothuis en hut is strategies tussen die natuurlike duine geleë om privaatheid te bied. Daar is nie 'n pad wat die kothuise en hutte van die strand skei nie en dié verblyf is dus letterlik 'n hanetreetjie van die strand af.

Hiér kan gaste lekker rus, op die strand wandel, na branders wat breek luister, walvisse dophou en net ontspan.

'n Tennisbaan is beskikbaar en gaste kan op die strand of rustige paaie draf. Gaste kan ook 'n boot huur om op die rivier te vaar. Die Royal Port Alfred Gholfbaan is in die nabygeleë omgewing.

Kry ’n Kwotasie