Toeka Wedding and Functions Venue

Lodge

Kapasiteit: 22 persone
Inkloktyd: 14:00 tot 17:00
Uitkloktyd: 10:00
Adres: R507, Buisfontein Plaas, Klerksdorp, 2570, Noordwes
Alle ouderdomme is welkom
Vanaf R900 per nag (plek vir 2)

Beskrywing

Toeka Wedding and Functions Venue is in die prentjiemooi Buisfontein-area, wat bekend is vir sy wild en safari-lodges. Dit is net 16 minute se ry van Klerksdorp af en bied gehalteverblyf aan trougaste of diegene op soek na 'n rustige naweekwegbreek.

Toeka bied 'n verskeidenheid verblyf-opsies waaruit gaste kan kies. Die Triple-eenhede het elk 'n dubbelbed en 'n enkelbed sowel as 'n en suite-badkamer met 'n stort, toilet en wasbak. Die kombuis is met 'n stoof, yskas, mikrogolf, tee- en koffiemaakgeriewe, eetgerei en breekware toegerus. Die leefarea het gemaklike sitplek en die eenhede spog met ondervloerverhitting en 'n stoepie wat 'n uitsig oor die wildplaas bied. Braaigeriewe is beskikbaar en hout word voorsien.

Die Gallery beskik oor 3 slaapkamers wat elkeen 'n dubbelbed het sowel as 'n gedeelde badkamer met 'n bad, stort, toilet en wasbak. Die kombuis is toegerus met 'n stoof, yskas, mikrogolf, koffie- en teemaakgeriewe, eetgerei en breekware. Die leefarea het gemaklike sitplek en 'n stoepie wat uitkyk oor die wildplaas. Braaigeriewe is beskikbaar en hout word voorsien.

Die en suite-dubbelkamers is in die gastehuis en het elk 'n dubbelbed en 'n en suite-badkamer met 'n stort, toilet en wasbak. Dié kamers het elkeen ook 'n waaier.

Daar is ook 'n sakpas-opsie en hierdie kamers het elkeen 'n dubbelbed en maak gebruik van 'n gedeelde badkamer met 'n stort, toilet en wasbak. Die sakpaskamers het elk tee- en koffiemaakgeriewe.

Die wittebroodsuite het 'n koningingrootte-bed en 'n en suite-badkamer met 'n spa-bad, stort, toilet en wasbak. Die suite het ook 'n yskassie, tee- en koffiemaakgeriewe, lugversorging en ondervloerverhitting. Dit lei na 'n stoepie met 'n uitsig oor die wildsplaas.

Veilige parkeerplek op die perseel word voorsien.

Kry ’n Kwotasie