Ukarimu Guest House

Gastehuis

Gratis kansellasie tot 1 week voor jou verblyf!
Kapasiteit: 15 persone
Inkloktyd: 13:00 tot 21:00
Uitkloktyd: 10:00
Adres: Marmerstraat 32, Wilkoppies, Klerksdorp, 2572, Noordwes
Alle ouderdomme is welkom
Vanaf R700 per nag, vir 2 mense

Beskrywing

Ukarimu is geleë in 'n stil woonbuurt van Klerksdorp, 'n dorp in Noordwes. Klerksdorp is net 175 km van Johannesburg af op die N12 op pad na Kimberley en Kaapstad.

Ons smaakvol gemeubileerde dubbelkamers het en suite-storte en is rolstoelvriendelik. Elke kamer het 'n dubbelbed of 2 enkelbeddens, yskas, mikrogolfoond en koffie- en teemaakgeriewe.

'n Ommuurde swembad en ontspanningsarea is ook tot gaste se beskikking. Gaste kan gerus op die patio of langs die swembad ontspan. Daar is draagbare braaiers en 'n pragtige tuin met heelwat voëls.

Ons akkommodasie is hoofsaaklik toegespits op sakereisigers en besoekers aan die nabygeleë Wilmed Park Hospitaal. Supermarkte, winkels, banke en verskillende OTM's, apteke, dokters en tandartse is binne 'n 2 km radius van die gastehuis af.

Ons bedien soggens 'n Engelse of Kontinentale ontbyt. Die Kontinentale ontbyt bestaan uit vars vrugte, joghurt, sap, ontbytgraan, brood, kaas en konfyt. Ons kan ook hierdie ontbyt vooraf in jou yskas pak sodat jy dit op jou eie tyd kan geniet. 'n Warm, volledige Engelse ontbyt met spek, eiers, sampioene, wors en meer word bedien op die stoep met 'n uitsig oor die swembad. Aandete is ook beskikbaar indien jy verkies om nie een van die uitstekende restaurante in die omgewing te besoek nie.

Neem asb. kennis: daar is honde op die perseel.

Kry ’n Kwotasie