V'Kansi Khaya

Selfsorg

Spesiale Aanbod 15% af

Kry 15% af (minimum twee nagte se verblyf). Geldig vir verblyf vanaf 3 Apr 2024 tot 31 Mei 2024.

Kapasiteit: 6 persone
Inkloktyd: 15:00 tot 19:00
Uitkloktyd: 09:00
Adres: Kerkstraat 399, Clarens, 1718, Vrystaat
Geen kinders onder 7
Vanaf ~~R900~~ R765 per nag, vir 2 mense

Beskrywing

V'Kansi Khaya is 'n in die prentjiemooi dorpie, Clarens, in die Oos-Vrystaat. Kom ervaar die rus, vrede en wonderskone uitsigte op die berge wat Clarens omring. Die eiendom is binne stapafstand vanaf die middedorp.

Die selfsorg-chalet is 'n nuwe tweeslaapkamer-eenheid met 2 badkamers. Die hoofslaapkamer het 'n dubbelbed en die tweede slaapkamer het 2 enkelbeddens. Linne, handdoeke en elektriese komberse word voorsien. Die sitkamer het 'n platskerm-TV met DStv en 'n HiFi. Daar is ook 'n ten volle toegeruste kombuis met al die nodige geriewe. Gaste kan ook gebruik maak van die dek met 'n braaiplek en dubbelmotorafdak. Let asb. daarop dat daar geen wasmasjien is nie. Die dek aan die agterkant van die chalet is slegs beskikbaar as albei eenhede bespreek word.

Die selfsorg-ateljeewoonstel is toegerus met 'n dubbelbed en 'n en suite-badkamer met slegs 'n stort. Die sitkamerarea het 2 gemaklike stoele en 'n platskerm-TV met DStv. Die kombuisie is toegerus met 'n yskas, mikrogolfoond, broodrooster en al die nodige toebehore, eetgerei en breekware. Die ateljee het ook 'n dek met pragtige uitsigte op die berge en 'n Weber-braai. Daar is 'n motorafdak en dis volledig omhein. Geen kooktoestelle soos lugbraaiers en braaipanne word in die ateljee toegelaat nie.

Clarens het 'n wassery.

Clarens is 'n toevlugsoord vir kunstenaarsiele en daar is 'n toenemende aantal kunstenaars wat hulself hier kom vestig in hierdie skilderagtige landskap. Daar is talle kunsgalerye en kunsvlytwinkeltjies in die dorp waar besoekers kan gaan snuffel vir geskenke en oorspronklike kunswerke. Presidentstraat het 'n meer bekostigbare versameling winkels wat alles van pottebakkery, kerse en geskenkwinkels bied. Die sandsteengeboue is 'n kenmerkende eienskap van Clarens en hul argitektuur dra by tot die prag van hierdie stuk aarde. Dié pragtige huise is fantasties om af te neem en lekker om in te bly.

Kry ’n Kwotasie