Vermaak-Likheid Garden Cottage

Selfsorg

Gratis kansellasie tot 1 week voor jou verblyf!
Kapasiteit: 4 persone
Inkloktyd: 14:00 tot 20:00
Uitkloktyd: 10:00
Adres: Waterkantstraat 119, Stilbaai, 6674, Wes-Kaap
Alle ouderdomme is welkom
Vanaf R990 per nag (plek vir 4)

Beskrywing

Die eenheid is ‘n klipgooi vanaf die vryvloeiende Goukourivier wat in die warm Atlantiese Oseaan uitmond. Die riviermonding is deurgaans oop en bied ‘n asemrowende speelplek vir menigte vlieërbranderryers (‘kite surfers’). Op winderige dae kan daar tot 40 vlieërs in die branders getel word.

Dit is ‘n ook ‘n veilige swemarea en is aanliggend aan 3 Blouvlagstrande, wat onder die wakende oë van bekwame lewensredders is tydens die piekseisoen.

Die rivieroewer bied skoon sandstrande wat ‘n mens laat smag na lang, romantiese stappies teen die rivier en die bou van lug- en natuurlik ook, regte sandkastele.

Die kothuis het slaapplek vir tot 4 gaste en beskik oor 1 slaapkamer, 1 badkamer en 'n oopplan-kombuis en leefarea. Daar is 'n koningingrootte-bed in die slaapkamer. Die badkamer het 'n stort en 'n wasbak, asook 'n aparte toilet. Daar is ook 'n driekwartbed en 'n enkelbed in die oopplan-leefarea.

Die kombuis is goed toegerus vir selfsorg met 'n wasbak, 'n mikrogolfoond, yskas-vrieskas, diepvrieskas, 'n ketel, broodrooster en 'n tweeplaatgasstoof. Daar is gemaklike rusbanke en stoele en 'n TV met plaaslike kanale in die leefarea.

Veilige parkeerplek agter 'n hek is beskikbaar. Goedgemanierde troeteldiere is welkom indien dit vooraf gereël word.

Let asb. dat daar nie WiFi in die eenheid is nie, slegs SABC-kanale. Tydens die spitsseisoen is DStv beskikbaar vir 12 dae of langer.

Kry ’n Kwotasie