Veronica Lotter

Veronica Lotter is in 'n pragtige area met 'n uitsig oor die riviermonding en see na Mosselbaai se kant geleë. Dis naby 'n gholfbaan met 9 putjies en minder as 2 km vanaf De Dekke-besigheidskompleks.

Die eenhede is op 'n residensiële erf. Die hoofhuis is op die boonste verdieping met 'n grondvloerwoonstel daaronder.

Die hoofhuis beskik oor 3 slaapkamers met slaapplek vir 5 gaste. Die hoofslaapkamer het 'n koningingrootte-bed en 'n en suite-badkamer. Die tweede slaapkamer het 'n dubbelbed en die derde slaapkamer het 'n driekwartbed. Die 2 gastekamers deel 'n badkamer met 'n stort, toilet en wasbak.

Die kombuis h…

Sien meer

Veronica Lotter is in 'n pragtige area met 'n uitsig oor die riviermonding en see na Mosselbaai se kant geleë. Dis naby 'n gholfbaan met 9 putjies en minder as 2 km vanaf De Dekke-besigheidskompleks.

Die eenhede is op 'n residensiële erf. Die hoofhuis is op die boonste verdieping met 'n grondvloerwoonstel daaronder.

Die hoofhuis beskik oor 3 slaapkamers met slaapplek vir 5 gaste. Die hoofslaapkamer het 'n koningingrootte-bed en 'n en suite-badkamer. Die tweede slaapkamer het 'n dubbelbed en die derde slaapkamer het 'n driekwartbed. Die 2 gastekamers deel 'n badkamer met 'n stort, toilet en wasbak.

Die kombuis het 'n ingeboude stoof en oond, 'n mikrogolfoond, 'n yskas-vrieskas, tee- en koffiemaakgeriewe, eetgerei en breekware. Daar is ook 'n binnebraai. Die sitkamer het gemaklike sitplek en 'n TV met KykNet-kanale. Gaste moet hulle eie DStv-dekodeerder en -slimkaart saambring.

Daar is 'n boma-area met braaigeriewe waar gaste saam etes kan voorberei. Daar is parkeerplek in 'n afstandbeheerde motorhuis. Ekstra parkeerplek is ook voor die motorhuis beskikbaar. Daar is wasgeriewe binne die motorhuis met wasgoedlyne binne en buite.

Die ooplanwoonstel op die grondvloer is ideaal vir 'n paartjie. Dit het 'n dubbelbed, kombuisie met 'n mobiele ontbythoekie, 'n yskas, mikrogolfoond en induksieplaat met potte en panne. Die stort is oop na die kamer, maar die toilet met wasbak is privaat. Die eenheid het ook ingeboude kaste, beddegoed en 'n HD OpenView-TV. Gaste is welkom om hul eie dekodeerder en slimkaart saam te bring vir meer DStv-kanale. Parkeerplek is voor die hoofhuis beskikbaar.

Die woning is binne stapafstand vanaf die strand en riviermond en ongeveer 2 km vanaf die naaste inkopiesentrum. Let wel dat daar 'n permanente huurder in die tweeslaapkamereenheid op die perseel woon.

Hersham is 'n mooi en stil omgewing ongeveer 30 km vanaf George en 27 km vanaf Mosselbaai. Ongelukkig is dit dierevriendelik nie. Die eiendom is nie ten volle omhein nie en die huis is gemat.