View on 42

Selfsorg

Kapasiteit: 6 persone
Inkloktyd: 14:00 tot 16:00
Uitkloktyd: 10:00
Adres: Mellifera-straat 42P, Danabaai, Mosselbaai, 6510, Wes-Kaap
Geen kinders onder 18
Vanaf R720 per nag (plek vir 2)

Beskrywing

View on 42 bied gerieflike selfsorgverblyf in Danabaai en is 1 km van die strand af. Die naaste swemstrand is Santosstrand.

Gaste kan tussen die Aloe-selfsorgeenheid of die Protea-kamer en die Fynbos-kamer kies. Elkeen van dié kamers bestan slegs uit 'n slaapkamer en 'n badkamer. Al 3 eenhede kan saam vir groter groepe bespreek word.

Die eenhede het gemaklike koningingrootte-beddens en is apart van die hoofhuis, op die grondverdieping geleë en word met 'n paar trappies bereik. Twee van die eenhede het en suite-badkamers met storte en die Aloe-eenheid het 'n bad en 'n stort. Elke eenheid is smaakvol ingerig en het 'n see-uitsig.

Linne en badhandoeke word voorsien, maar gaste moet asb. hulle eie strandhanddoeke saambring.

Elke eenheid het 'n mikrogolfoond, yskas en tee- en koffiemaakgeriewe. Die Aloe-eenheid het 'n ten volle toegeruste kombuis. Protea en Fynbos is nie geskik vir braai of kook nie, aangesien daar slegs 'n mikrogolf en ketel met tee en koffie is en nie 'n kombuis nie. Daar is 'n slim-TV en WiFi in elke eenheid.

Gaste het toegang tot die gemeenskaplike tuin wat 'n uitsig oor die oseaan en groenstrook het. Gaste sal bokke en verskeie voëlspesies sien. Dolfyne word gereeld gewaar en walvisse kan tussen Julie en November in die baai gesien word. Let asb. daarop dat die eienaar op die perseel woon. Ongelukkig word geen diere toegelaat.

Danabaai is omring deur fynbos in die hartjie van die Kaapse Blommeryk en is die tuiste van kleinwild wat vrylik rondbeweeg, asook verskeie voëlspesies. Die naaste dorp, Mosselbaai, bied verskeie restaurante en museums en aktiwiteite soos watersport en voetslaanpaaie.

Die bekende St. Blaize-roete van sowat 12 km kan vanaf Danabaai tot by die Punt in Mosselbaai gestap word.

Kry ’n Kwotasie