+11

Vikings Rest

Selfsorg

Kapasiteit: 6 persone
Inkloktyd: 14:00 tot 19:00
Uitkloktyd: 08:00
Adres: Shepstone-straat 771, Shelley Beach, 4265, KwaZulu-Natal
Alle ouderdomme is welkom
Vanaf R890 per nag (plek vir 6)

Beskrywing

Vikings Rest is in Shelley Beach slegs 50 m, soos die kraai vlieg, en 200 m se stap van die see af. Daar is rotspoele en 'n getypoel in die warm Indiese Oseaan. Ons is ook troeteldiervriendelik.

Vikings Rest bied slaapplek aan 6 gaste en is in 'n tropiese tuin van 2500 m² geleë. Die huis is ook rolstoelvriendelik. Die eenheid bestaan uit 2 slaapkamers en 2 badkamers. Die hoofslaapkamer het 'n dubbelbed en 'n en suite-badkamer met 'n stort, wasbak en toilet. Die tweede slaapkamer het 2 enkelbeddens. Die tweede badkamer het 'n stort, wasbak en toilet. Daar is ook 'n dubbelslaapbank in die leefarea. Ons voorsien alle beddegoed en badhanddoeke. Daar is 'n TV met DStv. Die kombuis is goed toegerus met 'n oond en mikrogolf en LG yskas-vrieskas. Die kombuis, eetkamer en sitarea is oopplan en die huis, motorhuis en patiovloere is volledig geteël.

Daar is 'n toesluitmotorhuis en 'n binnehof met 'n buitestort met warm en koue water. Die huis en motorhuis is met 'n 24 uur-reaksie-alarmstelsel toegerus. Daar is 'n wasmasjien in die motorhuis. Die huis het ook ingeboude braaigeriewe op die bedekte patio.

Ons is 5 minute se ry vanaf die Shelly Beach ski-bootklub, Shelly Spar, die bekende Shelly Sentrum en South Coast Mall. Saint Michaels en Uvongo se beskermde swemstrande is binne 10 minute se ry van ons af. Ander omliggende swemstrande is Lucien Beach en Ramsgate se strand.

Kry ’n Kwotasie