Villa Insolventa

Selfsorg

Kapasiteit: 8 persone
Inkloktyd: 14:00 tot 19:00
Uitkloktyd: 10:00
Adres: Roosmarynstraat 11, Yzerfontein, 7351, Wes-Kaap
Alle ouderdomme is welkom
Vanaf R3 600 per nag, vir 8 mense

Beskrywing

Villa Insolventa is stapafstand van die strand af en is ideaal vir diegene wat Yzerfontein en die Weskus wil besoek. Gaste kan die swembad, lapa en braaiplek geniet tydens daardie warm somerdae. Die villa is ruim en het 'n pooltafel en 'n volledig toegeruste braaiplek waar jy lekker kan kuier. Die Wes-Kaap beleef tans 'n erge droogte en gaste moet asb. waaksaam en waterwys wees ten alle tye wanneer water en die swembad gebruik word.

Villa Insolventa is 'n selfsorg-eenheid op die grondvloer met plek vir 8 persone op die meeste en bestaan uit 4 slaapkamers, 'n volledig toegeruste kombuis en 'n leefarea. Die hoofslaapkamer het 'n koningingrootte-bed en 'n luukse en suite-badkamer met bad en stort. Die tweede en die derde slaapkamer het elk 2 enkelbeddens. Hierdie twee slaapkamers deel 'n badkamer met 'n stort en bad. Die vierde kamer is 'n dubbelkamer met 'n en suite-badkamer slegs met 'n stort.

Die kombuis is toegerus met 'n mikrogolf, oond, stoofplaat, yskas en vrieskas, en die leefarea is toegerus met 'n TV (met volledige DStv), 'n binnebraai, pooltafel en 'n draagbare CD-speler.

Veilige parkeerplek word voorsien.

Let asb. daarop dat hierdie selfsorg-eenheid net die grondvloer beslaan en nie die hele huis nie.

Kry ’n Kwotasie