Vinkie

Selfsorg

Winteraanbod 33% af

Bly 3 nagte en betaal slegs vir 2. Geldig vir verblyf vanaf 1 Mei 2024 tot 31 Jul 2024.

Kapasiteit: 4 persone
Inkloktyd: 14:00 tot 17:00
Uitkloktyd: 10:00
Adres: Seeduikerstraat, Paternoster, 7381, Wes-Kaap
Alle ouderdomme is welkom
Vanaf ~~R2 100~~ R1 400 per nag (plek vir 4)

Beskrywing

Vinkie is 30 meter van die strand af geleë in die klein, bekoorlike en prentjiemooi vissersdorpie, Paternoster. Paternoster is veral bekend vir sy tradisionele vissershuisies en dis die mees romantiese, rustige plek aan die Weskus.

Die kothuis is nie direk teen die strand geleë nie, maar wel in die eerste ry.

Die Vinkie-kothuis het 2 slaapkamers wat elk 'n en suite-badkamer het. Die eerste kamer het 'n dubbelbed en die tweede kamer het 2 enkelbeddens. Elke badkamer het 'n stort en 'n toilet. Die kombuis, leefarea en eetkamer is oopplan en die sitkamer het 'n kaggel binne. Die kothuis spog met ondervloerse verhitting en verhitte handdoekrelings as die koue byt in die winter. 'n TV met sekere DStv-kanale is ook beskikbaar. Gaste het toegang tot braaigeriewe.

Paternoster is sowat 150 km noord vanaf Kaapstad op die R27 en 15 km noordwes vanaf Vredenburg. Dit is 'n gunstelingbestemming vir 'n naweekwegbreek onder die Kapenaars. Die Weskus is bekend vir sy omvangryke spesies en die verskeidenheid inheemse plantegroei - dit maak die Weskus 'n baie spesiale plek vir veldblomliefhebbers van regoor die wêreld.

Kry ’n Kwotasie