Volstruisvlei Bush Lapa West Coast

Voeg by Gunstelinge

 

Beskrywing

Volstruisvlei Bush Lapa West Coast is op 'n privaat plaas aan die Weskus geleë, net 15 km buite Velddrif. Die lapa is 3,5 km vanaf die hoofplaashuis in die bosveld in en gaste sal met aankoms na die lapa vergesel word.

Die verblyf is ideaal vir groepe en beskik oor 'n rustieke lapa omring deur 2 permanente karavane. Die verblyf is ideaal vir diegene wat gaande is oor 'n kamp-ervaring wat 'n bietjie anders is. Daar is 1 kamer in die lapa met 'n dubbelbed, 'n permanente karavaan met 2 dubbelbeddens en nog 'n permanente karavaan met 'n dubbelbed en 2 enkelbeddens. Die verblyf het slaapplek vir 10 gaste, Gaste word versoek om asb. hul eie badhanddoeke en beddegoed saam te bring.

Die lapa bied selfsorggeriewe met eetgerei, potte en panne, braaitoerusting word voorsien vir binne die lapa, asook 'n gasyskas, gasstoof en 'n broodoond. Hout en ys is op die plaas te koop en kan vooraf bestel word. Daar is 'n badkamer met 'n warm stort en 'n wasbak en 'n aparte toilet. Die gebruik van die badkamer word ook gedeel met diegene wat graag tente wil opslaan. Die verblyf het ligte wat met sonkrag werk en 'n gasgeiser vir warm water. Daar is 3 bomas buite vir braai en 'n braai-area binne die lapa met 'n broodoond. Daar is ook bankies binne, 'n kroegarea, bankies buite en 'n dubbelopwasbak. Vars drinkwater vanaf die reëntenks is aan gaste beskikbaar.

Gaste kan ook die veerpyltjiebord benut en 'n bietjie tafeltennis speel. Gaste word versoek om hul eie musiek saam te bring, indien hulle sou wou. Let asb. daarop dat daar geen elektrisiteit is nie - alles word met batterye of gas aangedryf en die ligte werk met sonkrag. Selfoonontvangs is beperk. Daar is ook 'n stil Jacuzzi met koue water, net beskikbaar op versoek.

Die verblyf is ideaal vir gaste wat van die besige stadslewe wil ontsnap en net die rustige plaaslewe wil geniet. Die ligging bied toegang tot Velddrif waar gaste die strand kan besoek of kan visvang. Die blomseisoen is ook bekend onder besoekers wat jaarliks die pragtige blomme aan die Weskus kom aanskou.

Slaapplek

'n Bespreking by Volstruisvlei Bush Lapa West Coast sluit in:

Slaapkamer 1 - Huisves 4 persone
2 x Dubbelbed

Slaapkamer 2 - Huisves 4 persone
2 x Enkelbed / Driekwartbed
1 x Dubbelbed

Slaapkamer 3 - Huisves 2 persone
1 x Dubbelbed

Kenmerke

  •  Afrikaans
  •  Braaiplek
  •  Troeteldiere indien gereël
  •  Veilige Parkering

Aktiwiteite Naby

  •  Perdry
  •  Visvang
  •  Voëlkyk
  •  Wynproe
  •  Fietsry
  •  Bergfietsroetes
  •  Swem

Aktiwiteite op perseel

  •  Voëlkyk
  •  Begeleide Wandelpaaie

Badkamer

  •  Aparte Toilet
  •  Stort

Betaalopsies op Perseel

  •  Visa
  •  Mastercard
  •  Kontant
  •  Forex
  •  Elektroniese Fondsoorplasing

Elektriese Toebehore

  •  Yskas
  •  Stoof

Geriewe

  •  Braaiplek
  •  Kombuisgeriewe
  •  Geen Rook Binnenshuis
  •  Troeteldiere indien gereël
  •  Selfsorg

Hier praat ons

  •  Afrikaans
  •  Engels

Kamergeriewe

  •  Eetkamer
  •  Kaggel
  •  Klein Kombuis

Parkeerplek

  •  Veilige Parkering

Kaart Meer oor die omgewing 

Gaste wat na Volstruisvlei Bush Lapa West Coast gekyk het, het ook belangstelling getoon in die volgende lekke plekke:

Vanaf R2 500 per nag (plek vir 10)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | [email protected]