Hermanus Akkommodasie by Von Abercron Residence | LekkeSlaap

+52

Von Abercron Residence

Gastehuis

Kapasiteit: 10 persone
Inkloktyd: 14:00 tot 19:00
Uitkloktyd: 11:00
Adres: Fernkloof-rylaan 75, Hermanus, 7200, Wes-Kaap
Geen kinders onder 13
Vanaf R900 per nag (vir 2 persone)

Beskrywing

Von Abercron Residence is 'n luukse 4-ster-gastehuis wat direk bokant die Hermanus Gholfbaan geleë is, langs die Fernkloof Natuurreservaat met manjifieke en panoramiese berg- en see-uitsigte.

Dit is slegs 'n paar minute van die middedorp van Hermanus, die hoofstrande en die beste walviskyk-plekke af.

Gaste word 'n hoë standaard van gerief aangebied, maar ook 'n rustige omgewing in 'n stil en vreedsame area. Gaste word ook genooi om die pragtige tuin te gebruik met die soutwaterswembad en onderdak-braaigeriewe. Geniet die natuur met die voëlgeluide en onbeskryflike uitsig, slegs 'n paar treë vanaf die puik gholfbaan en bergstaproetes.

Die gastehuis het 2 dubbelkamers elk met 'n en suite-badkamer en 2 woonstelle wat gebruik kan word vir selfsorg (ten volle toegerus) of vir B&B-verblyf. Elke kamer is individueel gemeubileer en pragtig versier. Ontbyt word in die onbytkamer bedien of onder die lapa in die tuin.

Geriewe sluit die volgende in: verwarmer, satelliet-TV, internettoegang, 'n kluis, yskas, ondervloerse verhitting, verhitte handdoekreling, haardroër, radio, koffie- en teemaakgeriewe, terras, balkon en veilige parkeerplek op die perseel.

Ons is baie ontspanne ten opsigte van tyd en het 'n baie buigsame benadering tot ontbyttye. Inkloktyd is vanaf 14:00 en uitkloktyd is 11:00, behalwe as daar ander reëlings vooraf getref is.

Kry ’n Kwotasie