Waterfront

Selfsorg

Kapasiteit: 7 persone
Inkloktyd: 15:00 tot 19:00
Uitkloktyd: 10:00
Adres: Jasus Lalandi-straat, Lambertsbaai, 8130, Wes-Kaap
Alle ouderdomme is welkom
Vanaf R950 per nag (plek vir 2)

Beskrywing

Waterfront is in Lambertsbaai en bied gehalteverblyf net 30 m van die strand af. Die houthuis bied 'n rustige atmosfeer en gaste kan selfs deur die Weskus Fynbosreservaat na die strand stap.

Verblyf is beskikbaar in 2 eenhede wat saam vir 'n groot groep teen afslag bespreek kan word. Slegs gaste van dieselfde groep word in een of albei eenhede akkommodeer om privaatheid in die gemeenskaplike area te verseker.

Eenheid 1 is 'n enkelwoonstel en beskik oor 1 slaapkamer met 2 enkelbeddens en ingeboude kaste. Dit het 'n privaat badkamer met 'n stort, toilet en wasbak. Die eenheid beskik ook oor tee- en koffiemaakgeriewe, 'n mikrogolf, yskas en 'n slim-TV met DStv en gratis WiFi. Dit het toegang tot die gemeenskaplike leefarea met 'n binnebraai en TV, 'n eetarea en die leefarea se kombuis met 'n stoof, oond, mikrogolf, vrieskas, breekware en eetgerei. Die kamer lei na 'n stoep met stoepmeubels en 'n uitsig oor die see.

Eenheid 2 beskik oor 2 slaapkamers en bied slaapplek aan 4 volwassenes en 1 kind onder 12. Indien gaste hierdie eenheid vir 5 volwassenes wil bespreek, sal dit teen 'n ekstra fooi wees. Die hoofslaapkamer het 'n dubbelbed en die tweede slaapkamer het 2 enkelbeddens. Elke kamer het ingeboude kaste. Daar is 'n badkamer met 'n stort, asook 'n kombuisie waar eie etes voorberei kan word. Daar is 'n slaapbank in die sitkamer vir 'n kind onder 12. Die sitkamer het 'n uitsig oor die see, met 'n slim-TV en die volle DStv-pakket. Gaste kan hul eie Netflix-intekening gebruik. Gratis WiFi is ook op die perseel beskikbaar. Die woonstel lei na 'n stoep waar gaste die pragtige sonsondergange kan geniet.

Daar is ook 'n buitebraai en 'n gemeenskaplike leefarea met 'n binnebraai en 'n volledige kombuis. 'n Weber-braai is beskikbaar indien gaste op die stoep wil braai.

Daar is veilige parkeerplek op die perseel. Gaste kan op die perseel agter geslote hekke of voor die huis parkeer.

Kry ’n Kwotasie