Watsonia Nature Lodge

Selfsorg

Kapasiteit: 2 persone
Inkloktyd: 14:00 tot 19:00
Uitkloktyd: 10:00
Adres: Watsonia-laan 175, Scarborough, 7975, Wes-Kaap
Alle ouderdomme is welkom
Vanaf R1 500 per nag (plek vir 2)

Beskrywing

Watsonia Nature Lodge is in Scarborough geleë, 'n afgeleë kusdorpie op die punt van die Kaapse Skiereiland wat as 'n Bewaringsdorp aangewys is. Watsonia Nature Lodge is langs die Kaappunt Natuurreservaat geleë wat deel vorm van die Tafelberg Nasionale Park. Daar is 'n rits voetslaanroetes op die voorstoep, sowel as avontuur-doendinge vir branderplankryers, vlieërbranderryers, bergfietsryers, bergklimmers en roeiers. Gaste kan gerus die gasheer vir raad en voorstelle vra.

Verblyf word in 'n onberispelike, afgeleë kothuis teen die berg met 'n uitsig oor die see aangebied. Die bekoorlike kothuis het slaapplek vir 2 gaste en beskik oor 'n koninggrootte-bed en 'n en suite-badkamer met 'n spa-bad, toilet en 'n wasbak. Die kothuis het ook 'n ten volle toegeruste kombuis en leefarea wat na 'n houtdek met 'n sitarea lei en perfek is vir ontbyt en skemerkelkies.

Aan die een kant van die dek is daar 'n buitestort - dit is iets besonders om tussen die takke en blare van die manjifieke Blinktaaibos te stort. Watsonia-kothuis is met Tafelbergsandsteen gebou wat met die hand gesny is. Dit maak dit lekker koel tydens die warm somermaande en tydens die koeler wintermaande, absorbeer dit die sonstrale om 'n lieflike knus atmosfeer te skep. Die privaat kothuis het 'n houtvloer, stapeldeure wat die natuur innooi en 'n grasdak, en 'n perfekte see-uitsig.

Kry ’n Kwotasie