Weskushuis

Selfsorg

Gratis kansellasie tot 1 week voor jou verblyf!
Kapasiteit: 28 persone
Inkloktyd: 14:00 tot 22:00
Uitkloktyd: 10:00
Adres: Keerom 8, Hoek van F du Bois, Jacobsbaai, 7380, Wes-Kaap
Alle ouderdomme is welkom
Vanaf R800 per nag, vir 2 mense

Beskrywing

Weskushuis is in die Weskus-dorpie Jacobsbaai geleë en bied gehalte-verblyf vir 'n gesin wat op soek is na 'n stil en rustige wegbreek in 'n stil vissersdorpie.

Dié selfsorgwoonstelle is volledig toegerus met alles wat jy benodig vir 'n ontspanne vakansie in 'n luukse opset, slegs 'n paar minute se stap vanaf die see.

Ons bied 4 volledig toegeruste selfsorgwoonstelle, elkeen met 'n privaat ingang, 'n stoep met braaigeriewe. Die kombuis het 'n mikrogolfoond, Cadac-gasstoof, koffie- en teemaakgeriewe, gehalte linne en handdoeke. Daar is ook 'n TV met DStv.

Jacobsbaai is 'n klein, prentjiemooi dorpie aan die Weskus met grotendeels grondpaaie en bekoorlike Weskus-kothuise. Die dorp is na aan Vredenburg, Saldanha, Velddrif, Paternoster, Langebaan, Club Mykonos en die Weskus Nasionale Park.

Die interessante kuslyn bied skiereilande, rots- en sandstrande, fynbos en verskeie voëlspesies. Hier kan jy ook visvang, duik, seil, kano en vir lang, skilderagtige wandelinge langs op die strand gaan. Of sit net en ontspan met 'n skemerkelkie in die hand.

Kry ’n Kwotasie