Westbury House

Gastehuis

Kapasiteit: 12 persone
Inkloktyd: 14:00 tot 20:00
Uitkloktyd: 10:00
Adres: Wesbury-weg 3, Rondebosch, Kaapstad, 7700, Wes-Kaap
Alle ouderdomme is welkom
Vanaf R1 020 per nag, vir 2 mense

Beskrywing

Westbury House is deel van ’n ou, statige Victoriaanse huis wat sentraal geleë is in die ekslusiewe area Silwood in Rondebosch. Dié elegante huis is in ’n stil cul-de-sac en bied ’n uitsig op die agterkant van Tafelberg en Duiwelspiek aan die een kant en oor die veld aan die ander kant. Die gastehuis is al 20 jaar aan die gang.

Die verblyf is ideaal vir sakereisigers of vakansiegangers. Kinders is ook welkom en bababedjies is beskikbaar op versoek. Elke suite verskil in grootte en beskik oor ’n en suite-badkamer, ’n TV, ’n privaat kombuisie, elektriese verwarmer, waaier en ’n haardroër.

Die gastehuis bied aparte ingange, veilige parkeerplek op die perseel en gratis WiFi. ’n Kontinentale, gesonde ontbyt kan ook verskaf word teen ekstra kostes. Tee en koffie is heeldag beskikbaar en daar is 'n wasgoeddiens teen ekstra koste.

Westbury House is lekker naby die Rondebosch Treinstasie, die Universiteit van Kaapstad, Nuweland Rugby Stadion en Krieketveld, Bishops Doicesan Kollege, Rondebosch- en Rustenburg-skool, die Silwoond Sentrum, Rondebosch se Hoofstraat met sy supermarkte, winkels, apteek, banke, restaurante, wegneem-eetplekke, poskantoor, Belmont Park en Rooikruis Kinderhospitaal. Daar is ook verskeie besienswaardighede in die omliggende area soos die Kirstenbosch Nasionale Botaniese Tuine, strande, gholfbane en Cavendish Square Winkelsentrum.

Kry ’n Kwotasie