15% af Kry 15% af (minimum twee nagte se verblyf). Geldig vanaf 21 Jan 2020 tot 30 Apr 2020.

Yzerfontein Akkommodasie by Whale O A Time | LekkeSlaap

+32

Whale O A Time

28 resensies

Selfsorg

Spesiale Aanbod - Kry 15% af
Vanaf ~~R800~~ R680 per nag (vir 2 persone)
Kapasiteit: 20 persone
Inkloktyd: 14:00 tot 19:00
Uitkloktyd: 10:00
Adres: Lutie Katz-rylaan 68 , Yzerfontein, 7351, Wes-Kaap
Alle ouderdomme is welkom

Beskrywing

Whale O A Time bied gerieflike selfsorgverblyf op Pearl Bay se sandduine in Yzerfontein, net 45 minute se ry vanaf Blouberg op die R27 teen die Weskus.

Verblyf word in ’n ateljeewoonstel gebied wat slaapplek vir 2 gaste het, 2 woonstel wat slaapplek vir 4 gaste elk het en die rustieke, bekoorlike hoofhuis wat slaapplek vir 4 tot 8 volwassenes het.

Die ateljeewoonstel is oopplan met 'n en suite-badkamer en 'n volledig toegeruste kombuisie. Daar is 'n TV met 'n OVHD-dekodeerder. Die woonstel het nie ’n see-uitsig nie, slegs ’n tuin-uitsig.

Woonstel 1 het 2 slaapkamers en is onder die hoofhuis geleë. Daar is 'n koningingrootte-bed met 'n see-uitsig. Die tweede slaapkamer het 2 enkelbeddens. Daar is 'n badkamer tussen die 2 slaapkamers. Die oopplan-sitkamer en -kombuis het skuifdeure wat an die buite-area met braaigeriewe lei. Daar is 'n TV met 'n OVHD-dekodeerder.

Woonstel 2 het ook 2 slaapkamers. Die hoofslaapkamer het 'n koningingrootte-bed met 'n see-uitsig en 2 enkelbeddens in die ander slaapkamer. Albei slaapkamers het en suite-storte. Die oopplan-sitkamer het 'n skuifdeur wat na 'n geplaveide area buite lei. Daar is 'n ingeboude braai en 'n TV met 'n OVHD-dekodeerder.

Die hoofhuis het 4 slaapkamers, 'n oopplan-kombuis, -eetkamer en -sitkamer, en 'n toegeboude braaikamer. Die sitkamer het 'n Jetmaster-kaggel en 'n TV met sekere DStv-kanale Gaste kan op die stoep ontspan en die lieflike uitsigte van die strand, Dasseneiland en Tafelberg in die verte geniet. Daar is 'n TV met 'n OVHD-dekodeerder.

Bokant die hoofhuis is ’n dakwoonstel wat slaapplek vir 2 gaste het. Daar is ’n koningingrootte-bed, TV en ingeboude kaste in die oopplan-slaapkamer. Die TV het 'n OVHD-dekodeerder. Daar is ’n bad en stort in die badkamer, asook ’n aparte toilet. Die kombuisie is volledig toegerus met ’n yskas/vrieskas, mikrogolf, ketel, broodrooster, induksiestoofplaat, potte, panne, eetgerei, breekware ens. Langs die kombuis is ’n eetarea/sitarea met sy-uitsigte oor die see. Daar is ’n oop balkon met ’n ingeboude braai en pragtige uitsig oor die see, op Tafelberg en oor Dasseneiland. Die dakwoonstel kan apart of saam met die huis gehuur word.

Linne en handdoeke word voorsien, maar gaste moet hulle eie handdoeke saambring.

Parkeerplek vir 6 voertuie is op die perseel beskikbaar. Geen diere word toegelaat nie. Daar is geen WiFi nie.

Yzerfontein is tussen Kaapstad en Langebaan en is daarom die ideale plek vanwaar die Weskus verken kan word.

Oor Kerstyd moet gaste vir 'n minimum van 5 nagte bespreek.

Geen troeteldiere word toegelaat nie.